Barach Kahi | Spruha Joshi | Marathi Kavita Sangrah

Barach Kahi | बरंच काही | Spruha Joshi Kavita

Barach Kahi | Spruha Joshi Kavita | Marathi Kavita Sangrah

बरंच काही,
आपण मागायच्याही आधी
पाऊस देऊन जातो..
सांडून जातो धुवांधार
आसुसलेलं, थबकलेलं
बरंच काही.
मोकळं मोकळं करून जातो..
पाऊस सांगत नाही
त्याच्या मनातलं यायच्या आधी,
पण आपल्या मनातलं
सारं काही शहाण्यासारखं समजून घेत
हवं तेव्हा, हवा तसा
आपल्यासाठीच भरून येतो..
निवळशंख पाणी
एक थेंब, दोन थेंब..
आभाळभर रांगच रांग;
पुन्हा थेंब, त्यात पाऊस..
नितळ नितळ करत जातो,
बरंच काही,
आपण मागायच्याही आधी
पाऊस देऊन जातो..
_स्पृहा जोशी

Ye re yere pausa | Poems for kids | Marathi Kavita

Ye re yere pausa | Poems for kids

येरे येरे पावसा
तुला देतो पैसा
पैसा झाला खोटा
पाऊस आला मोठा

ये ग ये ग सरी
माझे मडके भरी
सर आली धाउन
मडके गेले वाहुन!
_ बालगीते

Ye re ye re pausa,
tula deto paisa
paisa zhala khota,
paoos ala motha

Ye ga ye ga saree,
majhe madke bhari,
sar ali dhaoon
madke gele wahoon
_ Nursery Rhyme

Katarweli basalo hoto | Guru Thakur | Marathi Kavita

कातरवेळी बसलो होतो
आठवणींचा पिंजत कापूस
तशात पाऊस …



ठुसठुसणारे घाव पुराणे
वीस्कटलेले डाव पुराणे
अन पुराणे काही उखाणे
सुटता झालो उगाच भावुक
तशात पाऊस…

त्यात कुठुनसा आला वारा
कापुस घरभर झाला सारा
पसार्‍यात त्या हरवुन गेलो
कधी अन कसा कुणास ठावुक
तशात पाऊस...
_ गुरु ठाकूर

Katarweli baslo hoto
Athvanincha pinjat kapus
Tashat Paus...

Thusthusnare ghav purane
viskatlele daav purane
Ann purane kahi ukhane
Sutata jhalo ugach bhauk
Tashat paus...

Tyat kuthunsa aala vaara
Kapus gharbhar jhala sara
Pasaryat tya harvun gelo
Kadhi ann kasa kunas thauk
Tashat paus...
_Guru Thakur

ती गेली तेव्हा (Ti Geli Tevha by Grace)

ती गेली तेव्हा रिमझिम
पाऊस निनादत होता
मेघांत अडकली किरणे
हा सूर्य सोडवित होता


ती आई होती म्हणुनी
घनव्याकुळ मीही रडलो
त्यावेळी वारा सावध
पाचोळा उडवित होता

अंगणात गमले मजला
संपले बालपण माझे
खिडकीवर धुरकट तेव्हा
कंदील एकटा होता
_ ग्रेस

Shravanmasi Harsh Manasi | Tryambak Bapuji Thombre [Balkavi] | Rain Poem | Marathi Song Lyrics

Shravanmasi Harsh Manasi | Tryambak Bapuji Thombre

Shravanmasi Harsh Manasi | Rain Poem in Marathi

श्रावण मासी हर्ष मानसी हिरवळ दाटे चोहिकडे,
क्षंणात येते सर सर शिरवे क्षंणात फिरुनि ऊन पडे

वरति बघता इंद्र धनुचा गोफ दुहेरि विणलासे
मंगल तोरण काय बांधले नभोमंडपी कुणी भासे

झालासा सुर्यास्त वाटतो, सांज अहाहा तो उघडे
तरु शिखरावर उंच घरावर पिवळे पिवळे ऊन पडे

उठती वरती जलदांवरती अनंत संध्याराग पहा
सर्व नभावर होय रोखिले सुंदरतेचे रुप महा

बलाकमाला उडता भासे कल्पसुमांची माळिच ते
उतरुनि येती अवनीवरती ग्रहगोलचि की एकमते

फडफड करुनि भिजले अपुले पखं पाखरे सावरती
सुंदर हरिणी हिरव्या कुरणी निजबाळांसह बागडती

खिल्लारे ही चरती रानी गोपही गाणी गात फिरे
मंजूळ पावा गाई तयांचा श्रावण महिमा एकसुरे

सुवर्ण चंपक फुलला विपिनी रम्य केवडा दरवळला
पारिजातही बघता भामा रोष मनीचा मावळला

सुंदर परडी घेऊनि हाती पुरोपकंठी शु्द्धमती
सुंदर बाला या फुलमाला रम्य फुले पत्री खुडती

देव दर्शना निघती ललना हर्ष मावे ना हदयात
वदनी त्यांच्या वाचून घ्यावे  श्रावण महिन्याचे गीत
_ [त्र्यंबक बापूजी ठोमरे] बालकवी

Paus Kadhicha Padato | पाऊस कधीचा पडतो | Grace | Marathi Kavita

Paus Kadhicha Padato | Marathi Kavita Sangrah

Paus Kadhicha Padato | Marathi poems on Rain

पाऊस कधीचा पडतो
झाडांची हलती पाने,
हलकेच जाग मज आली
दु:खाच्या मंद सुराने

डोळ्यांत उतरते पाणी
पाण्यावर डोळे फिरती,
रक्ताचा उडला पारा
या नितळ उतरणीवरती

पेटून कशी उजळेना
ही शुभ्र फुलांची ज्वाला,
तार्‍यांच्या प्रहरापाशी
पाऊस असा कोसळला

संदिग्ध घरांच्या ओळी
आकाश ढवळतो वारा,
माझ्याच किनार्‍यावरती
लाटांचा आज पहारा
_ ग्रेस

Paus kadhicha padato
Jhadanchi halati pane,
Halakech Jaag maja aali
Dukhanchya mand surane

Dolyat utarate paani
Panyawar dole phirati,
Raktacha udala para
Ya nital utaraniwarati

Petun kashi ujalena
Hi shubhra phulanchi jwala,
Taryanchya praharapashi
Paus asa kosalala

Sandigdh gharanchya oli
Akash dhawalato wara,
Majhyach kinarya warati
Latancha aaj pahara
_Grace