Kalale Nahi Kadhi | Guru Thakur | Marathi Kavita

चित्रपट: शिक्षणाच्या आयचा घो
कळले नाही कधी

कळले नाही कधी उसवले लक्तर जगण्याचे
गेले फाटून उडण्या आधी पतंग स्वप्नांचे


नशिबी आली फरपट माझ्या कारण चुकली वाट
नकोस गिरवू तीच उजळणी तूही पुन्हा दिनरात

चुकली सारी गणिते केवळ शून्य उरे हाती
उडूनी गेली वर्षे झाली जन्माची माती

पसार झाली नाती सारी सोडून अंधारात
नकोस गिरवू तीच उजळणी तूही पुन्हा दिनरात

जाती भावना जळूनी जेव्हा व्यवहारी जग छळते
गुंता होतो जगण्याचा अन नियती भेसुर हसते

चुकले कोठे कळण्या आधी होते वाताहात
नकोस गिरवू तीच उजळणी तूही पुन्हा दिनरात

_गुरु ठाकूर

Amhi Kadhich Petun Uthat Nahi | Guru Thakur | Marathi Kavita

आम्ही कधीच पेटून उठत नाही

आम्ही कधीच पेटून उठत नाही
आम्हाला कुणीतरी चिथवावं लागतं.


आमच्यातल्या विवेकाला
धर्माचं नाहीतर अस्मितेचं
गाजर दाखवून फितवावं लागतं.

मग कुठेतरी
आतून भ्याड आणि बुळे असणारे आम्ही पेटुन उठतो.

अन्‌ स्वत:च्या षंढत्वाबद्दल वाटणा-या घृणेला
कुठल्यातरी निषेधाचं लेबल लावून
मिळेल ते जाळत सुटतो.

कुठला धर्म? कुठल्या भावना?
कुठली अस्मिता? कुठल्या विटंबना

आम्हाला नसतो विधीनिषेध
आम्ही फक्त नोंदवत असतो
आमच्या लाचार कृतीशून्यते विरुद्धचा आमचा निषेध!!

_गुरु ठाकूर

Chinna mukhawata lokshahicha | Guru Thakur | Marathi Kavita

छिन्न मुखवटा लोकशाहीचा

साठी उलटली स्वतंत्र्याची
ग्लोबल झाला देश
छिन्न मुखवटा लोकशाहीचा
विस्कटला गणवेश


केवळ टोप्या आणिक झेंडे
गहाण डोकी सारी
ठेचुनिया पुरुषार्थ ओणवी
अभिलाषेच्या दारी
पोकळ गप्पा बनेल दावे
अन् बेगडी आवेश
छिन्न मुखवटा लोकशाहीचा
विस्कटला गणवेश

देश विकावा कुठे अन्
कसा केवळ हिशेब
गणतंत्राची माय निजवण्या
उत्सुक दलाल सारे
हपालेल्या नजरा नाही
निष्ठेचा लवलेश
छिन्न मुखवटा लोकशाहीचा
विस्कटला गणवेश

_ गुरु ठाकूर

Te Gelyawar | Guru Thakur | Marathi Kavita

तू गेल्यावर

आठवणींचा धसका आणिक भय स्वप्नांचे
तू गेल्यावर नको वाटते जग स्वप्नांचे


चिंब भिजावे मनी वाटते शहारतो मी
व्याकूळ होऊन मेघ सावळे चितारतो मी
परी विसरतो कधी न झरती ढग स्वप्नांचे
तू गेल्यावर नको वाटते जग स्वप्नांचे

जाळून जाते दुपार धुमसत सांज वितळते
मिठीत गहि-या अलगद जेव्हा रात्र कवळते
चहुबाजुंनी मला भेदिती शर स्वप्नांचे
तू गेल्यावर नको वाटते जग स्वप्नांचे

तसाच ढळतो दिवस आणखी रात्री सरती
तसेच आहे जग हे सारे अवती भवती
तरी वाटते उलटून गेले युग स्वप्नांचे
तू गेल्यावर नको वाटते जग स्वप्नांचे

_गुरु ठाकूर

Lagale maan paratichya watevarati | Guru Thakur | Marathi Kavita

लागले मन परतीच्या वाटेवरती

लागले मन परतीच्या वाटेवरती
व्याकुळ डोळे आता मागती भेट तुझी ओझरती


वळीव वेडा आठवणींचा रोज अताशा भीजवून जातो
अर्ध्यारात्री अवचित गात्री स्पर्श तुझे मोहरती
लागले मन परतीच्या वाटेवरती

नकोस थांबू पैलतटावर पुन्हा मांडु ये डाव पटावर
पुन्हा सावरु जरी बहरले अडसर अवतीभवती
लागले मन परतीच्या वाटेवरती

चुकले कोठे कधी कुणाचे या सा-याचे नको खुलासे
जखमांवरल्या खपल्या सावध निमित्त शोधित फिरती
लागले मन परतीच्या वाटेवरती

विरहाच्या वणव्यात जळाले तुझ्या नि माझ्या मधले कुंपण
आणि जळाले माझे मीपण, शरण तुला मी पुरती
लागले मन परतीच्या वाटेवरती

_गुरु ठाकूर

Pachuchya Ranat | Guru Thakur | Marathi Kavita

Pachuchya Ranat | Guru Thakur | Marathi Kavita

Pachuchya Ranat | Guru Thakur - Marathi Kavita Sangrah

पाचुच्या रानात
झिम्मड पाऊस
उनाड अल्लड वारा
नारळी पोफळीशिरल्या आभाळी
वाळूत चांदणचुरा

पिवळी पिवळी
बिट्ट्याची काचोळी
नेसल्या डोंगर वाटा
माळून गजरे
फेसाचे साजिरे
सजल्या सागर लाटा
इथल्या रानात
तसाच मनांत
झरतो मायेचा झरा
नारळी पोफळी
शिरल्या आभाळी
वाळूत चांदणचुरा

गंधीत धुंदीत
सायली चमेली
लाजरी लाजेची पोर
पळस पांगारा
पिंपळ पसारा
जीवाला लावतो घोर
घंटेचा निनाद
घालुनिया साद
सांगतो जा पोरी घरा
नारळी पोफळी
शिरल्या आभाळी
वाळूत चांदणचुरा

आंब्याला मोहर
बकुळी बहर
कहर चाफा फुले
माडाच्या सांदीला
झाडाच्या फांदीला
ईवला खोपा झुले
बोलतो कोकिळ
त्याच्या ग मंजूळ
तोंडाला नाही थारा
नारळी पोफळी
शिरल्या आभाळी
वाळूत चांदणचुरा
_गुरु ठाकूर

Bagh Ughaduni Daar Lyrics | Bharatiya | Guru Thakur | Movie Song Lyrics

Bagh Ughaduni Daar Lyrics | Movie Song Lyrics

शोधुन शिणला जीव अता रे साद तुला ही पोचल का
दारो दारी हुडकलं भारी थांग तुझा कदी लागल का
शाममुरारी कुंजविहारी तो शिरीहारी भेटल का?वाट मला त्या गाभा-याची आज मला कुनी दावल का

बघ उघडुन दार अंतरंगातला देव गावल का...

तान्ह्या बाळाच्या हासे रं डोळ्यात तो
नाचे रंगुन संताच्या मेळ्यात जो
तुझ्या माझ्यात भेटेल सा-यात तो
शोध नाही कुठे या पसा-यात तो
रोज वृंदावनी फोडी जो घागरी
तोच नाथा घरी वाहतो कावडी
गुंतला ना कधी मंदिरी राऊळी
बाप झाला कधी जाहला माउली
भाव भोळा जिथे धावला तो तिथे
भाव नाही तिथे सांग पावल का?

बघ उघडुन दार अंतरंगातला देव गावल का...

राहतो माउलीच्या जिव्हारात जो
डोलतो मातलेल्या शिवारात तो
जो खुळ्या कोकिळेच्या गळी बोलतो
दाटुनी तोच आभाळी ओथंबतो
नाचवी विज जो त्या नभाच्या उरी
होई काठी कधी आंधळ्याच्या करी
घेवुनी लाट ये जो किना-यावरी
तोल सा-या जगाचाही तो सावरी
राहतो जो मनी या जनी जीवनी
एका पाषाणी तो सांग मावल का?

बघ उघडुन दार अंतरंगातला देव गावल का...

---

Movie: Bhartiya [2012]
Lyrics: Guru Thakur
Music: Ajay-Atul
Singer: Roop Kumar Rathod
Star Cast: Subodh Bhave, Jeetendra Joshi, Meeta Sawarkar, Makarand Anaspure
Director: Girish Mohite

Mituni Lochane Lyrics | Natsamrat | Guru Thakur | Movie Song Lyrics

Mituni Lochane | Natsamrat

Mituni Lochane | Marathi Song with Lyrics | Natsamrat | Nana Patekar | Marathi Movie 2016

मिटुनी लोचने घे भिरभिरती
सूर नांदीचे बघ दरवळती
लालचुटुक मखमाली आता
अलगद ही उमलेल
भारुनिया अवकाशच अवघा
खेळ नवा रंगेल...

नवीन नांदी संहिता नवी
हवीहवीशी भूमिका नवी
पात्र होवूनी विरघळताना
गात्र गात्र बहरेल
भारुनिया अवकाशच अवघा
खेळ नवा रंगेल...

प्रवेश सरला अंक बदलला
अंधारातच मंच मिळाला
पुन्हा तुझ्यास्तव याच तमातून
नवा मंच उजळेल
भारुनिया अवकाशच अवघा
खेळ नवा रंगेल...


Mituni lochane ghe bhirbhirati
Sur nandiche bagh darvalati
Lalchutuk makhmali aata
Algad hi umlel
Bharuni avkashach avgha
Khel nava rangel...

Navin Naandi navi sanhita
Havihavishi navi bhumika
Patra houni virghaltana
Gaatra gaatra bahrel
Bharuni avkashach avgha
Khel nava rangel...

Pravesh sarala ank badalala
Andharatach manch milala
Punha tujhyastav yach tamatun
Nava manch ujlel
Bharuni avkashach avgha
Khel nava rangel...

---

Song: Mituni Lochane Lyrics
Movie: Natsamrat 2016
Music: Ajit Parab
Lyrics: Guru Thakur
Singer: Vijayprakash
Cast: Medha Manjrekar, Vikram Gokhale, Neha Pendse, Mrunmayee Deshpande, Sunil Barve & Nana Patekar
Director : Mahesh Manjarekar
Produced by : Nana Patekar, Vishwas Joshi
Music on: Video Palace

Navari Ali | Guru Thakur | Tuzya Mazya Sansarala Aani Kay Hav | Movie Lyrics | Ajay-Atul | Marathi Kavita

Tuzya Mazya Sansarala Aani Kay Hav |
Marathi Song Lyrics

Navari Ali | नवरी आली
Lyrics: Guru Thakur | गुरु ठाकूर
Movie: Tuzya Mazya Sansarala Aani Kay Hav
चित्रपट: तुझ्या माझ्या संसाराला आणि काय हवं
Singer : Yogita Godbole, Prajakta Ranade
Music: Ajay-Atul

गो-या गो-या गालांवरी चढली लाजंची लाली गं पोरी नवरी आली
सनईच्या सुरांमंदी चौघडा बोलतो दारी गं पोरी नवरी आली
सजणी मैत्रीणी जमल्या अंगणी
चढली तोरणं मांडवदारी
किणकिण कांकणं रुणझुण पैंजणं
सजली नटली नवरी आली
गो-या गो-या गालांवरी चढली लाजंची लाली गं पोरी नवरी आली
सनईच्या सुरांमंदी चौघडा बोलतो दारी गं पोरी नवरी आली

नव-या मुलाची आली हळद ही ऒली
हळद ही ओली लावा नवरीच्या गाली
हळदीनं नवरीचं अंग माखवा
पिवळी करून तिला सासरी पाठवा
सजणी मैत्रीणी जमल्या अंगणी
चढली तोरणं मांडवदारी
सासरच्या ऒढीनं ही हासते हळूच गाली ग पोरी नवरी आली
सनईच्या सुरांमंदी चौघडा बोलतो दारी ग पोरी नवरी आली

आला नवरदेव वेशीला, वेशीला ग, देव आला नारायण ग
मंडपात गणगोत सारं बैसलं ग पोरं-थोरं, ताशा वाजिलं

सासरी मिळू दे तुला माहेराची माया
माहेराच्या मायेसंगं सुखाची ग छाया
भरुनीया आलं डोळं जड जीव झाला
जड जीव झाला लेक जाय सासराला
किणकिण कांकणं रुणझुण पैंजणं
सजली नटली नवरी आली
आनंदाच्या सरी तुझ्या बरसु दे घरीदारी… गं पोरी सुखाच्या सरी…
सनईच्या सुरांमंदी चौघडा बोलतो दारी ग पोरी नवरी आली
_गुरु ठाकूर

Gorya gorya galavari...
Chadhali lajachi lali ga pori navari ali
Sanaichya suramandi chaughada bolato dari...
Ga pori navari ali
Sajani maitrini jamalya angani
Chadhati toran mandavdari
Kinkin kaankan runjhun painjan
Sajali natali navari ali
Gorya gorya galavari...
Chadhali lajachi lali ga pori navari ali
Sanaichya suramandi chaughada bolato dari...
Ga pori navari ali

Navarya mulachi ali halad hi oli
Halad hi oli lava navarichya gali
Haladin navarich anga makhava
Piwali karun tila sasari pathava
Sajani maitrini jamalya angani
Chadali torann mandavdari
Sasarachya odhin hi hasate haluch gaali..
Ga pori navari ali
Sanaichya suramandi chaughada bolato dari...
Ga pori navari ali

Ala navardev veshila.. veshila ga
Dev ala narayan ga
Mandapat gangota saraa baisal ga..
Porr-thorr tasha vajil
Sasari milu de tula maherachi maya
Maherachya mayesang sukhachi ga chaya
Bharuniya ala dola jad jiv jhala
Jad jiv jhala lek jaay sasara
Kinkin kaankan runjhun painjan
Sajali natali navari ali
Anandachya sari tujhya barasu de gharidari..
Ga pori sukhachya sari
Sanaichya suramandi chaughada bolato dari...
Ga pori navari ali
_Guru Thakur

Pari Mhanu Ki Sundara | Guru Thakur | Golmaal | Movie Song Lyrics | Marathi Kavita | परी म्हणू की सुंदरा

Pari Mhanu Ki Sundara | Golmaal
Marathi Song Lyrics

Pari Mhanu Ki Sundara | परी म्हणू की सुंदरा
Lyrics: Guru thakur | गुरु ठाकूर
Movie: Golmaal | गोलमाल

परी म्हणू की सुंदरा
तिची तऱ्हा असे जरा... निराळी

तिची अदा करी फिदा
ही मेनका खुळी जणु निघाली

तिचे वळून पाहणे, मधाळ गोड बोलणे
कधी खट्याळ हासणे, हळूच जीभ चावणे
मोकळा करुन मीच हे कधीच दिल तिच्या हवाली

हजारदा ती भेटते, बोलू बोलू वाटते
बोलणे मनातले परि मनीच राहते
मोहिनी तिची अशी फुले जशी हजार भोवताली
_गुरु ठाकूर

Pari mhanu ki sundara
Tichi tarha ase jara... nirali

Tichi ada kari fida
Hi menaka khuli janu nighali

Tiche valun pahane, Madhal god bolane
Kadhi khatyal hasane, Haluch jibh chavane
Mokala karun mich he kadhich dil tichya hawali

Hazarda ti bhetate, Bolu bolu watate
Bolane manatale pari manich rahate
Mohini tichi ashi phule jashi hazar bhovatali
_Guru Thakur

Ganvesh Marathi Movie (Trailer) | Movie Trailer 2016

Movie : Ganvesh (2016) | गणवेश

Star Cast : Kishor Kadam, Mukta Barve, Dilip Prabhavalkar, Smita Tambe, Guru Thakur, Nagesh Bhosale, Suhas Palshikar, Ganesh Yadav, Sharad Ponkshe & Tanmay Mande

Release Date : 24 June 2016

Producer : Vijayate Entertainment

Director : Atul Jagdale

Studio : Vijayte Entertainment

Story, Screenplay & Dialogues : Tejas Ghadge

Music : Nihar Shembekar

Lyrics : Guru Thakur

Singers : Nandesh Umap, Urmila Dhangar

Tu Buddhi De | Guru Thakur | Dr Prakash Baba Amte | Movie Lyrics | Marathi Kavita | तू बुद्धि दे

Tu Buddhi De | Marathi Movie Lyrics

Tu Buddhi De | तू बुद्धि दे 
Lyrics: Guru Thakur | गुरु ठाकूर
Movie: Dr Prakash Baba Amte चित्रपट: डॉ प्रकाश बाबा आमटे
Singer : Vibhavari Apte

तू बुद्धि दे तू तेज दे
नवचेतना विश्वास दे
जे सत्य सुंदर सर्वथा
आजन्म त्याचा ध्यास दे...

हरवले आभाळ ज्यांचे
हो तयांचा सोबती
सापडेना वाट ज्यांना
हो तयांचा सारथी
साधना करिती तुझीजे
नित्य तव सहवास दे...

जाणवाया दुर्बलांचे
दुःख आणि वेदना
तेवत्या राहो सदा
रंध्रातुनी संवेदना
धमन्यातल्या रुधिरासया
खल भेदण्याची आस दे
सामर्थ्य या शब्दांस
आणि अर्थ या जगण्यास दे...

सन्मार्ग आणि सन्मती
लाभो सदा सत्संगती
नीती नाही भ्रष्ट हो
जरी संकटे आली किती
पंखास या बळ दे नवे
झेपावण्या आकाश दे...
_ गुरु ठाकूर

Tu budhhi de tu tej de

Navchetana vishwas de

Je satya sundar sarvatha

Aajanm tyacha dyas de...

Haravale abhal jyanche

Ho tayancha sobati

Sapdena vaat jyana

Ho tayancha sarathi

Sadhana karati tujhije

Nitya tav sahvas de...

Janvaya durbalanche

Dukhha ani vedana

Tevatya raho sada

Randratuni sanvedana

Dhamanyatalya rudhirasaya

Khal bhedanyachi aas de

Samarthya ya shabdas

Ani arth ya jaganyas de...

Sanmarg ani sanmati

Labho sada satsangati

Niti nahi bhrashta ho

Jari sankate ali kiti

Pankhas ya bal de nave

Jhepavnya aakash de...

_ Guru Thakur

Hee Raje..jee re | Guru Thakur | Mi Shivaji Raje Bhosle Boltoy | Movie Lyrics | Marathi Kavita

Hee Raje | Marathi Movie Lyrics

Hee Raje | हे राजे जी रं जी
Lyrics: Guru Thakur | गुरु ठाकूर
Movie: Mi Shivaji Raje Bhosle Boltoy!
चित्रपट: मी शिवाजीराजे भोसले बोलतोय!

हे राजे जी रं जी रं जी राजे हे जी जी
हे राजे जी रं जी रं जी राजे हे जी जी

झटकून टाक ती राख, नव्याने जाग, पेटू दे आग मराठी आता
डोळ्यांत फुटे अंगार भगवा, रक्तात जागू दे आज भवानी माता
हे राजे जी रं जी रं जी राजे हे जी जी
हे राजे जी रं जी रं जी राजे हे जी जी

हृदयात जागू दे पुन्हा आता रांगडा जोश
दाही दिशी घुमू दे शिवछत्रपतींचा घोष
लढण्या संग्राम आज हा
बळ दे या मनगटी आम्हां
करण्या संहार शत्रूचा, जन्म घे पुन्हा आता
हे राजे जी रं जी रं जी राजे हे जी जी
हे राजे जी रं जी रं जी राजे हे जी जी

तलवार नाचते रणी, ऐसा पेटतो राग
जगो मरो जीव हा, फुले महाराष्ट्राची बाग
जगण्या सिद्धांत आज हा, शक्ती दे शतपटी आम्हां
चल चल रे ऊठ घालिते साद मराठी आता
हे राजे जी रं जी रं जी राजे हे जी जी
हे राजे जी रं जी रं जी राजे हे जी जी
_गुरु ठाकूर

Hey raje jee ra jee ra jee raje hey jee jee
Hey raje jee ra jee ra jee raje hey jee jee

Jhatkun taak ti raakh, navyane jaag, petu de aag marathi aata
Dolyat fute angaar bhagwa, raktat jaagu de aaj bhavani maata
Hey raje jee ra jee ra jee raje hey jee jee
Hey raje jee ra jee ra jee raje hey jee jee

Hrudayat jaagu de punha aata rangda josh
Daahi dishi ghumu de Shivchatrapatincha ghosh
Ladhnya sangram aaj haa
Bal de ya mangati aamha
Karnya sanhaar shatrucha, janma ghe punha aata
Hey raje jee ra jee ra jee raje hey jee jee
Hey raje jee ra jee ra jee raje hey jee jee

Talvaar nachte rani, ayesa petato raag
Jago maro jiv haa, phule maharashtricha bagh
Jagnya sindhhant aaj haa, shakti de shatpati amha
Chal chal re uth ghalite saad marathi aata
Hey raje jee ra jee ra jee raje hey jee jee
Hey raje jee ra jee ra jee raje hey jee jee
_Guru Thakur

Mala Ved Lagale | Guru Thakur | Timepass | Movie Lyrics | Marathi Kavita | मला वेड लागले

Mala Ved Lagale | Timepass | Marathi Song Lyrics

रंगबावऱ्या स्वप्नांना सांगा रे सांगा
कुंदकळ्यांना वेलींना सांगा रे सांगा
हे भास होती कसे, हे नाव ओठी कुणाचे
का सांग वेड्या मना, मला भान नाही जगाचे
मला वेड लागले प्रेमाचे ...

नादावला, धुंदावला, कधी गुंतला जीव बावरा
नकळे कसा कोणामुळे सूर लागला मनमोकळा
हा भास की तुझी आहे नशा,
मला साद घालती दाही दिशा
मला वेड लागले प्रेमाचे ...

जगणे नवे वाटे मला, कुणी भेटले माझे मला
खुलता कळी उमलून हा मनमोगरा गंधाळला
हा भास की तुझी आहे नशा,
मला साद घालती दाही दिशा
मला वेड लागले प्रेमाचे ...
_ गुरु ठाकूर

Rangbavrya swapnana sanga re sanga
Kundkalyana velina sanga re sanga
Hey bhas hoti kase, hey naav othi kunache
Ka sang vedya mana, mala bhan nahi jagache
Mala ved lagle premache...

Nadavla, dhundavala, kadhi guntala jiv bavra
Nakale kasa konamule sur lagla manmokala
Haa bhas ki tujhi aahe nasha
Mala saad ghalti dahi deesha
Mala ved lagle premache...

Jagne nave wate mala, kuni bhetle majhe mala
Khulta kali umaloon haa manmogara gandhala
Haa bhas ki tujhi aahe nasha
Mala saad ghalti dahi deesha
Mala ved lagle premache...
_Guru Thakur

---

Mala Ved Lagale | मला वेड लागले 
Lyrics: Guru Thakur | गुरु ठाकूर
Movie: Timepass | टाईमपास 
Singer : Swapnil Bandodkar

Katarweli basalo hoto | Guru Thakur | Marathi Kavita

कातरवेळी बसलो होतो
आठवणींचा पिंजत कापूस
तशात पाऊस …



ठुसठुसणारे घाव पुराणे
वीस्कटलेले डाव पुराणे
अन पुराणे काही उखाणे
सुटता झालो उगाच भावुक
तशात पाऊस…

त्यात कुठुनसा आला वारा
कापुस घरभर झाला सारा
पसार्‍यात त्या हरवुन गेलो
कधी अन कसा कुणास ठावुक
तशात पाऊस...
_ गुरु ठाकूर

Katarweli baslo hoto
Athvanincha pinjat kapus
Tashat Paus...

Thusthusnare ghav purane
viskatlele daav purane
Ann purane kahi ukhane
Sutata jhalo ugach bhauk
Tashat paus...

Tyat kuthunsa aala vaara
Kapus gharbhar jhala sara
Pasaryat tya harvun gelo
Kadhi ann kasa kunas thauk
Tashat paus...
_Guru Thakur

Arth leuni pahile akshar | Guru Thakur | Marathi Kavita

अर्थ लेउनी पहिले अक्षर
कधी उमटले कळले नाही,

करी घेतला वसा न चुकला
पाउल मागे वळले नाही

सुन्न खिन्न कातर एकांती
सोबत माझी अक्षर झाले
थिजलो जेव्हा सभेत भरल्या
तिथेही धावून अक्षर आले
कुठ्ला हा अनुबंध म्हणावा?
कोडे मजहे सुटले नाही

होऊन अश्रू कधी ओघळ्ले
कधी सांत्वने घेउन आले
रणरणत्या मध्यान्ही वेडा
मेघ होऊनी भिजवून गेले
आली गेली कैक वादळे
विण नात्यांची टिकली नाही

गेली उलटुन युगे अता त्या
अनुबंधासही अंकुर फुटले
प्रश्न अताशा पडे जगाला
मी कुठला अन अक्षर कुठले
परस्परांतच असे मिसळ्लो
नुरले आता विरळे काही
_ गुरु ठाकूर


Arth leuni pahile akshar
Kadhi umatale kalale nahi,
Kari ghetla vasaa na chukla
Paul mage valale nahi

Sunn khinna katar ekanti
Sobat Majhi akshar jhale
Thijalo jenvha sabhet bharlya
Tithehi dhavun akshar aale
Kuthla ha anubandh mhanava?
Kode majhe sutle nahi

Houn ashru kadhi oghalale
Kadhi saanwane gheun aale
Ranrantya madhyanhi veda
Megh houni bhijavun gele
Aali geli kaik vadale
Vin natyanchi tikli nahi

Geli ultun yuge ata tya
Anubandhsahi ankur futale
Prashna atasha pade jagaala
Mi kuthla an akshar kuthle
Parsparantch ase misalalo
Nurale aata virale kahi
_Guru Thakur
 

Shwasanchya talawari | Guru Thakur | Marathi Kavita

श्वासांच्या तालावरी स्वप्नांचे झुंबर हाले
आशेच्या लयकारीवर जगण्याचा चाळा चाले,


हव्यास नव्या दिवसाचा कधी पाठलाग ना सोडी
अन आस उद्याची वेडी थकलेले पाउल ओढी,

ती पहाट नाही दूर अंतरातून कोणी बोले
आशेच्या लयकारीवर जगण्याचा चाळा चाले,

झाकल्या मुठीतुन वाळू निसटावी तसेच होते
किती बांधून ठेवू म्हटले आयुष्य फरारी होते,

सरणाच्या फांदीवरही पालवी कोवळी डोले
आशेच्या लयकारीवर जगण्याचा चाळा चाले,

पाहिला जाळून तरीही सुंभाचा पीळ सुटेना
जगण्याचा तसाच गुंता गुरफटला जीव निघेना,

उसवावे तरी किती हे गुरफटणे नियमीत झाले
आशेच्या लयकारीवर जगण्याचा चाळा चाले

_ गुरु ठाकूर



Shwasanchya talavari swapnanche jhumber haale
Aashechya laykarivar jagnyacha chaala chale,

Havyas navya diwasacha kadhi pathlav naa sodi
Ann aas udyachi vedi thaqlele paun oodhi,

Ti pahat naahi dur antaratun koni bole
Aashechya laykarivar jagnyacha chaala chale,

jhaklya muthitun vaalu nistavi tashech hote
Kiti bandhun theu mhatle aayushya farari hote,

Sarnachya fandivarhi palavi kovali dole
aashechya laykarivar jagnyacha chaala chale,

paahila jalun tarihi sumbhacha pil sutena
Jagnyacha tasach gunta gurfatla jiv nighena,

Usawave tari kiti hey gurfatane niyamit jhale
Aashechya laykarivar jagnyacha chaala chale_Guru Thakur

Jeev Bhulala | Guru Thakur | Timepass | Movie Lyrics | Marathi Kavita | जीव भुलला

Jeev Bhulala | Timepass | Marathi Song Lyrics

Jeev Bhulala | जीव भुलला 
Lyrics: Guru Thakur | गुरु ठाकूर
Movie: Lai Bhaari | लय भारी
Singer : Shreya Ghoshal - Sonu Nigam

जीव भुलला, रुणझुणला,का असा सांग ना रे,
श्वास हा गंधाळला
क्षण हळवा गुणगुणला,
बावऱ्या या क्षणा श्वास हा गंधाळला

सूर हे छेडती, स्पंदने वेडी कोणती
बोलके होती स्पर्श सारे हे इशारे बोलती
भावनांचे शब्द व्हावे गीत ओठी मोहरावे
हरपुनी हे भान जावे, ये जरा...

दडले या मनी ते ही तू घ्यावे जाणूनी
सांगती डोळे गुज सारे आवरावे मी किती
प्रेमरंगी मी भिजावे ते तुला ही जाणवावे
पांघरावे मी तुला अन, ये जरा...
_ गुरु ठाकूर

Jeev bhulala, runjhunala,
Ka asa sang na re,
Swaas haa gandhalala
Kshan halva gungunala,
Baavarya ya kshana swaas haa gandhalala

Sur hey chedati, spandane vedi konti
Bolke hoti sparsh saare hey ishaare bolti
Bhavnanche shabda vhave geet othi moharawe
Harpuni hey bhaan jaave, ye jara

Dadale ya maani te hee tu ghyave januni
Sangati dole guj saare aavarave me kiti
Premrangi mee bhijave te tula hi jaanvave

Pangharave me tula ann, ye jara
_Guru Thakur

Kar have tevadhe waar | Guru Thakur | Marathi Kavita

कर हवे तेवढे वार

नशिबास कर हवे तेवढे वार म्हणालो
मानणार ना तरी कधी मी हार म्हणालो,

केला सौदा संकटांसवे आणि व्यथेला
खुशाल यावे उघडे आहे दार म्हणालो,

रिचवुन सारे तुडुंब प्याले अपमानाचे
दगाबाज दु:खालाही आभार म्हणालो,

खेळवुनी मज अखेर जेव्हा नियती दमली
डाव नवा मांडुन तिला तैयार म्हणालो,

रडलो नाही लढलो, भिडलो आयुष्याला
राखेतुनही उठलो अन याल्गार म्हणालो
_ गुरु ठाकूर


Nasheebas kar have tevade waar mhanalo
Maananar na tari kadhi mee haar mhanalo,

Kela souda sankatansave aani vyathela
Khushal yaave ughade aahe daar mhanalo,

Richavun saare tudumb pyaale apmaanache
Dagabaaz dukhhalahi aabhar mhanalo,

Khelvuni maj akher jenvha niyati damali
Daav nava mandun tila me tayaar mhanalo,

Radalo nahi ladhalo, bheedlo aayushyala
Raakhetun uthalo ann yalgaar mhanalo
_Guru Thakur

Reference: guruthakur.in

Sawar re | Classmate | Guru Thakur | Marathi Kavita | Movie Lyrics

Sawar re | Classmate | Marathi Song Lyrics

सावर रे | Sawar re
Lyrics: Guru Thakur | गुरु ठाकूर
Movie: Classmate | चित्रपट : क्लासमेट्स

रोज मला विसरून मी गुणगुणतो नाव तुझे
आज इथे तू न जरी तरी भवती भास तुझे

तुझ्या आठवांचा शहारा
जरा येऊनी ह्या मनाला
सावर रे, सावर रे

रोज मला विसरून मी गुणगुणते नाव तुझे
आज इथे तू न जरी तरी भवती भास तुझे

खुणावती रे अजून ह्या सभोवताली रे तुझ्या खुणा
अजून ओल्या क्षणात त्या भिजून जाती पुन्हा पुन्हा
ओल पापण्यांना ओढ पावलांना लागे तुझी आस का
का अजून माझ्या बावऱ्या जीवाला लागे तुझा ध्यास हा
मन नादावते का पुन्हा
सावर रे, सावर रे
_गुरु ठाकूर

Roz mala visarun mee gungunato naav tujhe
Aaj ithe tu na jari bhavati bhaas tujhe

Tujhya aathvancha shahara
Jara yeuni hya manala
Sawar re, sawar re

Roz mala visarun mee gungunato naav tujhe
Aaj ithe tu na jari bhavati bhaas tujhe

Khunavati re ajun hya sabhovataali re tujhya khuna
Ajun olyaa kshanat tya bhijun jaati punha punha
Ool papnyanana odh pavlaana laage tujhi aas ka
Ka ajun majhya baavrya jeevala laage tujha ghyaas haa
Man nadavate ka punha
Sawar re, Sawar re
_Guru Thakur