Zenda Amucha Priya Deshacha | Marathi desh bhakti geet | Indian patriotic songs

Zenda Amucha Priya Deshacha - Marathi desh bhakti geet

Zenda Amucha Priya Deshacha - Marathi desh bhakti geet - Indian patriotic songs

झेंडा आमुचा प्रिया देशाचा
फडकत वरी महान
करितो आम्ही प्रणाम याला
करितो आम्ही प्रणाम

लढले गांधी याच्याकरिता
टिळक, नेहरू लढली जनता
समरधूरंधर वीर खरोखर
अर्पुनि गेले प्राण
करितो आम्ही प्रणाम याला
करितो आम्ही प्रणाम

भारतमाता आमुची माता
आम्ही गातो या जयगीता
हिमालयाच्या उंच शिरावर
फडकत राही निशाण
करितो आम्ही प्रणाम याला
करितो आम्ही प्रणाम

या देशाची पवित्र माती
जूळती आमुच्या मधली नाती
एक नाद गर्जतो भारता
तुझा आम्हा अभिमान
करितो आम्ही प्रणाम याला
करितो आम्ही प्रणाम

गगनावरी आणि सागरतिरि
सळसळ करिती लाटा लहरी
जय भारत जय, जय भारत जय, गाता ती जयगान
करितो आम्ही प्रणाम याला
करितो आम्ही प्रणाम

Bharat Desh Mahan Amucha | Bhaktigeet | Marathi Bhakti geet

Bharat Desh Mahan Amucha | Desh Bhakti Geet

Bharat Desh Mahan Amucha Lyrics | Marathi patriotic songs | Indian patriotic songs | National songs | Marathi bhakti geet | Desh Bhakti Geet marathi

भारत देश महान अमुचा भारत देश महान
स्फूर्ती देतिल हेच आमुचे राम कृष्ण हनुमान

व्यासादिक मुनिवरे गाइला
संत महंते पावन केला
प्रताप शिवबाने गाजविला
सुखसमृध्दिनिधान

चिंतनि इतिहासाच्या दिसती
असंख्य नरवीरांच्या ज्योती
गाता स्वतंत्रतेची किर्ती
घडवू नव संतान

धर्मासाठी जीवन जगणे
समष्टिमध्ये विलीन होणे
सीमोल्लंघन दुसरे कसले
यासाठी बलिदान 


Bharat desh mahan amucha bharat desh mahan
Sphurti detil hech amuche Ram-Krishn-Hanuman

Vyasadik munivare gaila
Sant mahante pawan kela
Pratap Shivabane gajavila
Sukh-Samrudhhi-Nidhaan

Chintani Itihasachya disati
Asankhya narviranchya jyoti
Gata swatantryechi kirti
Ghadau nav santaan

Dharmasathi jeevan jagane
Samashtimadhye vilin hone
Simollaghan dusare kasale
Yasathi Balidaan

Khara to ekachi Dharma | Sane Guruji | Marathi Kavita

Khara to ekachi Dharma | Sane Guruji | Marathi Kavita

खरा तो एकची धर्म जगाला प्रेम अर्पावे

जगी जे हीन अतिपतित, जगी जे दीन पददलित
तया जाऊन उठवावे, जगाला प्रेम अर्पावे

जयांना ना कोणी जगती सदा ते अंतरी रडती
तया जाऊन सुखवावे, जगाला प्रेम अर्पावे

समस्तां धीर तो द्यावा, सुखाचा शब्द बोलावा
अनाथा साह्य ते द्यावे, जगाला प्रेम अर्पावे

सदा जे आर्त अतिविकल, जयांना गांजती सकल
तया जाऊन हसवावे, जगाला प्रेम अर्पावे

कुणा ना व्यर्थ शिणवावे, कुणा ना व्यर्थ हिणवावे
समस्तां बंधु मानावे, जगाला प्रेम अर्पावे

प्रभूची लेकरे सारी तयाला सर्वही प्यारी
कुणा ना तुच्छ लेखावे, जगाला प्रेम अर्पावे

असे जे आपणापाशी असे, जे वित्त वा विद्या
सदा ते देतची जावे, जगाला प्रेम अर्पावे

भरावा मोद विश्वात असावे सौख्य जगतात
सदा हे ध्येय पूजावे, जगाला प्रेम अर्पावे

असे हे सार धर्माचे असे हे सार सत्याचे
परार्थी प्राणही द्यावे, जगाला प्रेम अर्पावे

जयाला धर्म तो प्यारा, जयाला देव तो प्यारा
त्याने प्रेममय व्हावे, जगाला प्रेम अर्पावे
_साने गुरुजी