Umalun Aale Lyrics | And Jara Hatke | Marathi Song Lyrics

Umalun aale Lyrics | And Jara hatke movie song video | Sandeep khare songs

Umalun aale shwas achanak
Guj tayache sang phula...
Naav kaay re tujhe phula
gaav konate tujhe phula

Tujhya mule bagh haati aale
kshan rangit bhirbhirnare
Kituke algad ituke avghad
Kase tolu mi sang phula

nako nakonhya padadya maage
Havehavese laplele
Tula maalu ka dadvu tujhla
Hrudaya pashi khol phula

---

Movie: & Jara Hatke
Singer: Shasha Tirupati
Music: Aditya Bedekar
Lyrics: Sandeep Khare
Cast: Mrinal Kulkarni, Indraneil Sengupta, Siddharth Menon, Shivani Rangole
Directed By: Prakash Kunte
Produced By: Krishika Lulla & Ravi Jadhav
Release date: 22nd July, 2016

Aggobai Dhaggobai | Poems for kids | Marathi Kavita | Marathi Song Lyrics

Aggobai Dhaggobai | Poems for kids

Aggobai Dhaggobai song | Marathi kavita Sandeep khare | Marathi badbad geete | Salil Kulkarni songs

अग्गोबाई ढग्गोबाई लागली कळ
ढगाला उन्हाची केवढी झळ
थोडी न्‌ थोडकी लागली फार
डोंगराच्या डोळ्याला पाण्याची धार

वारा वारा गरागरा सो सो सूम्‌
ढोल्या ढोल्या ढगात ढुम ढुम ढुम
वीजबाई अशी काही तोर्‍यामधे खडी
आकाशाच्या पाठीवर चमचम छडी

खोलखोल जमिनीचे उघडून दार
बुडबुड बेडकाची बडबड फार
डुबायला डबक्याचा करूया तलाव
साबु-बिबु नको थोडा चिखल लगाव
_ संदीप खरे

Aggobai Dhaggobai lagli kal
Dhagala unhachi kevadhi jhal
Thodi na thodki lagli faar
Dongarachya dolyana panyachi dhaar

Vaara vaara garagara so so soom
Dholya dholya dhagat dhum dhum dhum
Veejbai ashi kahi toryamadhye khadi
Aakashachya pathivar chamcham chhadi

Kholkhol jaminiche ughadun daar
Budbud bedkachi badbad faar
Dubayla dabkya karuya talaaw
Sabu-bibu nako thoda chikhal jagav
_Sandeep Khare

---

अग्गोबाई ढग्गोबाई | Aggobai Dhaggobai
Sandeep Khare

(Born: 13 May 1973, Pune, Maharashtra)

Album: Aggobai Dhaggobai

Music: Salil Kulkarni

Singer: Sandeep Khare & Salil Kulkarni

Mi fasalo mhanuni | Sandeep Khare | Lyrics | Marathi Kavita

Mi Fasalo Mhanuni | Damalelya Babachi Kahani | Marathi kavita Sandeep khare

मी फसलो म्हणूनी हसूदे वा चिडवूदे कोणी
ती वेळच होती वेडी अन् नितांत लोभसवाणी


ती उन्हे रेशमी होती, चांदणे धगीचे होते
कवितेच्या शेतामधले ते दिवस सुगीचे होते
संकेतस्थळांचे सूर त्या लालस ओठी होते
ती वेळ पूरीया होती, अन् झाड मारवा होते

आरोहा बिलगायाचा तो धीट खुळा अवरोह
भरभरून यायचे तेंव्हा त्या दृष्ट नयनींचे डोह
डोहात तळाशी खोल वर्तमान विरघळलेले
अन् शब्दांच्या गाली पाणी थोडेसे ओघळलेले

ती हार असो वा जीत, मज कुठले अप्रूप नाही
त्या गंधित गोष्टीमधला क्षण कुठला विद्रूप नाही
ती लालकेशरी संध्या निघताना अडखळलेली
ती निघून जातानाही, बघ ओंजळ भरूनी ओली

_ संदीप खरे [by Sandeep Khare]

[संदीप : या कवितेविषयी थोडंसं सांगतो...की हातामधून हात सुटून जातो, ................
पण जे काही थोडे क्षण एकमेकांच्या वाट्याला आलेले असतात, ..........
ते मात्र मनामध्ये अमर होऊन रहातात. ......
आणि या क्षणांकडे बघून जे म्हणावसं वाटतं, ती ही कविता ]

Kay re devaa | Sandeep Khare | Lyrics | Marathi Kavita

Kay re deva lyrics | Sandeep khare kavita | Sandeep khare marathi songs lyrics | Marathi kavita sangrah

आता पुन्हा पाऊस येणार
आकाश काळ निळ होणार

मग मातीला गंध सुटणार
मग मध्येच वीज पडणार
मग तुझी आठवण येणार
काय रे देवा...

मग ती आठवण कुणाला दाखवता नाही येणार
मग मी ती लपविणार
मग लपवूनही ते कुणालातरी कळावस वाटणार
मग ते कुणीतरी ओळखणार
मग मित्र असतील तर रडणार
नातेवाईक असतील तर चिडणार
मग नसतच कळल तर बर अस वाटणार
आणि या सगळ्याशी तुला काहीच घेण देण नसणार..

मग त्याच वेळी नेमका दूर रेडिओ चालू असणार
मग त्यात एखाद जुन गाण लागलेल असणार
मग त्याला एस. डी . वर्मन नी चाल दिलेली असणार
मग ते साहीर नी गायलेल असणार
मग ते लतानी गायलेल असणार
मग तू ही नेमका आत्ता हेच गाण एकत असशील तर.. असा प्रश्न पडणार
मग उगाच छातीत काहीतरी हूर हूरणार
मग ना घेण ना देण
पण फूकाचे कंदील लागणार
काय रे देवा...

मग खिडक्यांचे गज थंडगार होऊन जाणार
मग त्याला आकाशाची आसव लगडणार
मग खिडकीत घट्ट बांधून ठेवलेल्या आपल्या पालथ्या मुठीवर ते टपटपणार
मग पाच फूट पाच इंच देह अपुरा अपुरा वाटणार
मग ऊर फुटून जावस वाटणार
छाताडातून ह्रदय काढून त्या शुभ्र धारांखाली धरावस वाटणार
मग सारच कस मुर्खासारख उत्कट उत्कट होत जाणार
पण तरीही श्वासांची लय फक्त कमी जास्त होत जाणार
बंद नाही पडणार
काय रे देवा...

पाऊस पडणार
मग हवा हिरवी होणार
मग पानापानात हिरवळ दाटणार
मग आपल्या मनाच पिवळ पान मोडून हिरव्यात शिरू पाहणार
पण त्याला ते नाही जमणार
मग त्याला एकदम खर काय ते कळणार
मग ते ओशाळणार
मग पुन्हा शरीराशी परत येणार
सरदी होऊ नये म्हणून देहाला वाफ घ्यायला सांगणार
चहाच्या पाण्यासाठी फ्रिजमध्ये कूडंमूडलेल आल शोधणार
एस . डी , च गाणही तोपर्यंत संपलेल असणार
रेडिओचा स्टॉक भरलेला असणार
मग तिच्या जागी ती असणार
मग माझ्या जागी मी असणार
कपातल वादळ गवती चहाच्या चवीने पोटात निपचीत झलेल असणार

पाऊस गेल्या वर्षी पडला
पाऊस यंदाही पडतो
पाऊस पुढल्या वर्षीही पडणार
काय रे देवा...
_ संदीप खरे [by Sandeep Khare]

Sandeep Khare

(Born: 13 May 1973, Pune, Maharashtra)

Sandeep Khare - The famous Marathi poet, singer and copywriter in India. 'Kay re devaa' is one of his poems [lyric] in Marathi Kavita Sangrah.

Yein Swapnat Mitlya Dolyat | Sandeep Khare | Me Gato Ek Gane | Lyrics | Marathi Kavita

येईन स्वप्नात | Yein Swapnat
Sandeep Khare

(Born: 13 May 1973, Pune, Maharashtra)

Album: Me Gato Ek Gane

Artists: Sandeep Khare

येईन स्वप्नात मिटल्या डोळ्यात घेशील का मला?
तुझ्या मनाच गुलाबी फुल देशिल का मला?
सांग तुझ्या मनाच गुलाबी फुल देशिल का मला?

वेड हसण्याची वेड दिसण्याची वेड रुसण्याची ग
वेड्या चंद्राची वेड्या ता-यांची रात्र वेडाची ग
वेड्या प्रश्नाच वेड उत्तर देशील का मला?
तुझ्या मनाच गुलाबी फुल देशिल का मला?

माझ्या नेत्रात माझ्या गात्रात मनात माझिया
तुझ्या गंधाचा तुझ्या छंदाचा उधाणे पुरिया
तुझ्या भरतिचा चंद्र नवतिचा करशिल का मला?
सांग तुझ्या मनाच गुलाबी फुल देशिल का मला?

बघ जरा एकदा , ऐक माझ्या फुला
मौन माझे आता सांग बघते तुला
तुच स्वप्नातली चंद्रिका साजिरी
तुच सत्यातली मोहिनी लाजरी

अभ्र विरताना रात्र ढळताना येशिल का जरा?
कोणी नसताना काही कळताना येशिल का जरा?
तुझ्या नावात माझ्या नावाला घेशिल का जरा?
सांग तुझ्या मनाच गुलाबी फुल देशिल का मला?

_ संदीप खरे [by Sandeep Khare]

Door deshi gela baba | Sandeep Khare | Aggobai Daggobai | Lyrics | Marathi Kavita

Door deshi gela baba song | Sandeep khare songs

Sandeep Khare

(Born: 13 May 1973, Pune, Maharashtra)

Song: Doordeshi Gela Baba

Singer: Sandeep Khare

Album: Aggobai Daggobai

दूरदेशी गेला बाबा... गेली कामावर आई
नीज दाटली डोळ्यात , परि घरी कुणी नाही !! ध्रु !!

कसा चिमणासा जीव , कसाबसा रमवला
चार भिंतित धावुन दिसभर दमवला
'आता पुरे! झोप सोन्या..' कुणी म्हणतच नाही !! १ !!

कशासाठी कोण जाणे देती शाळेमध्ये सुट्टी ?
कोणी बोलायाला नाही...कशी व्हावी कट्टी-बट्टी ?
खेळ ठेवले मांडून ... परि खेळगडी नाही !! २ !!

दिसे खिडकीमधुन जग सारे , दिशा दाही
दार उघडुन तरी तिथे धावायचे नाही
फार वाटे जावे परी - मुठीमध्ये बोट नाही !! ३ !!

नीज दाटली डोळ्यात , परि घरी कुणी नाही
दूरदेशी गेला बाबा......

_ संदीप खरे [by Sandeep Khare]

Gazzal | Sandeep Khare | Marathi Kavita

Sandeep Khare

(Born: 13 May 1973, Pune, Maharashtra)

गझल

जुबा तो डरती है कहने से
पर दिल जालीम कहता है

उसके दिल में मेरी जगह पर
और ही कोई रहता है ॥ धृ ॥

बात तो करता है वोह अब भी
बात कहाँ पर बनती है
आदत से मैं सुनती हूँ
वोह आदत से जो कहता है ॥ १ ॥

दिलमें उसके अनजाने
क्या कुछ चलता रहता है
बात बधाई की होती है
और वोह आखें भरता है ॥ २ ॥

रात को वोह छुपकेसे उठकर
छतपर तारे गिनता है
देख के मेरी इक टुटासा
सपना सोया रहता है ॥ ३ ॥

दिलका क्या है,
भर जाये या उठ जाये,
एक ही बात...
जाने या अनजाने
शिशा टूटता है तो टूटता है ॥ ४ ॥

_ संदीप खरे [by Sandeep Khare]

Love Letter | Sandeep Khare | Marathi Kavita

लव्हलेटर

लव्हलेटर लव्हलेटर म्हणजे लव्हलेटर असतं
सरळ जाऊन बोलण्यापेक्ष इझी आणि बेटर असतं

गोड गुलाबी थंडीतला गोड गुलाबी स्वेटर असतं
घुसळ घुसळ घुसळलेल्या मनामधलं बटर असतं

लव्हलेटर लव्हलेटर म्हणजे एक सॉंग असतं
ज्यातला कंटेंट राईट आणि ग्रामर नेहमीच रॉंग असतं
सुचत नाही तेव्हा तुमच्या हार्ट मधली पेन असतं
आणि जेव्हा सुचतं तेव्हा नेमकं खिशात पेन नसतं
पटलं तर पप्पी आणि खटकलं तर खेटर असतं!

लव्हलेटर लव्हलेटर म्हणजे रेअर हॅबिट असतं
वरती वरती लायन आतून भेदरलेलं रॅबिट असतं
शक्य शक्य हातांमधून थथरणारा वर्ड असतं
नुकतंच पंख फ़ुटलेलं क्युट क्युट बर्ड असतं
होपफ़ुल डोळ्यांमधलं ड्रॉप ड्रॉप वॉटर असतं!!

लव्हलेटर लव्हलेटर म्हणजे ऍग्रीमेंट असतं
५०% सर्टन आणि ५०% चं जजमेन्ट असतं
ऑपोनन्टच्या स्ट्रॅटेजीवर पुढचं सगळं डिपेन्ड असतं
सगळा असतो थेट सौदा काहीसुद्धा लेन्ड नसतं
हार्ट देऊन हार्ट घ्यायचं सरळ साधं बार्टर असतं!!

लव्हलेटर लव्हलेटर म्हणजे एक ड्रीम असतं
लाईफ़च्या पेस्ट्रीवरचं स्वीट स्वीट क्रीम असतं
अर्धं अर्धं प्यावं असं शहाळ्यामधलं वॉटर असतं
तिसयासाठी नाहीच असं अगदी प्रायव्हेट मॅटर असतं!

_ संदीप खरे [by Sandeep Khare]

Chepen Chepen | Sandeep Khare | Ayushyavar Bolu Kahi | Marathi Kavita

Sandeep Khare

(Born: 13 May 1973, Pune, Maharashtra)

Album: Ayushyavar Bolu Kahi

Music and lyrics: Sandeep Khare

Singer: Sandeep Khare & Salil Kulkarni

साहेब म्हणतो चेपेन चेपेन, पोलिस म्हणतो चेपेन चेपेन
काळ मोठा वेळ खोटी, जन्मच म्हणतो चेपेन चेपेन


जगणे झाले अचके देता नाकापाशी धरतो सूत
गचके खाऊन मेली स्वप्‍ने त्या स्वप्‍नांचे झाले भूत
भूत म्हणाले झाडाला अस्तित्वाच्या फांद्यांना
सुटका नाही दिवस-रात्र घरात-दारात भेटेन भेटेन

दिवस रोजचा थापा मारत दारावरती देतो थाप
'दोरी दोरी' म्हणता म्हणता त्या इच्छांचे झाले साप
धरता हाती डसती रे सोडून देता पळती रे
मन म्हणते पकडीन पकडीन, हात म्हणतो सोडेन सोडेन

मी बुद्धाला मारून डोळा भरतो माझा पेला रे
प्याला तो ही गेला जो ना प्याला, तोही गेला रे
या जगण्याला फुटता घाम छलकत जातो माझा जाम
अर्थ म्हणतो 'दारू दारू', शब्द म्हणतो 'शँपेन शँपेन'

पानावरती कितीक मजकूर शब्द नव्हे ती किटकिट रे
या जगण्याचे झाले आहे पत्त्यावाचून पाकीट रे
हसलो मी जरी रडलो मी इथे येउनी पडलो मी
जन्म बोंबले 'सांगा सांगा', मृत्य़ू म्हणतो 'सांगेन सांगेन'

_  संदीप खरे [by Sandeep Khare]

Namanjoor | Sandeep Khare | Namanjoor | Marathi Kavita

नामंजूर | Namanjoor
Sandeep Khare

(Born: 13 May 1973, Pune, Maharashtra)

Album: Namanjoor

Music and lyrics: Sandeep Khare

Singer: Sandeep Khare & Salil Kulkarni

जपत किनारा शीड सोडणे - नामंजूर!

अन्‌ वार्‍याची वाट पाहणे - नामंजूर!

मी ठरवावी दिशा वाहत्या पाण्याची
येईल त्या लाटेवर डुलणे - नामंजूर!

मला ऋतूंची साथ नको अन्‌ कौल नको
मला कोठल्या शुभशकुनांची झूल नको
मुहूर्त माझा तोच ज्याक्षणी हो इच्छा!
वेळ पाहुनि खेळ मांडणे - नामंजूर!

माझ्या हाती विनाश माझा! कारण मी!
मोहासाठी देह ठेवतो तारण मी!
सुंदरतेवर होवो जगणे चक्काचूर
मज अब्रुचे थिटे बहाणे - नामंजूर!

रुसवे-फुगवे ..... भांडणतंटे ..... लाख कळा
आपला-तुपला हिशेब आहे हा सगळा
रोख पावती इथेच द्यावी अन्‌ घ्यावी
गगनाशी नेणे गार्‍हाणे - नामंजूर!

नीती, तत्त्वे ..... फसवी गणिते! दूर बरी!
रक्तातिल आदिम जिण्याची ओढ खरी!
जगण्यासाठी रक्त वहाणे मज समजे,
पण रक्ताचा गर्व वहाणे - नामंजूर!

_ संदीप खरे [By Sandeep Khare]

Tujhya Majhya Save Kadhi | Sandeep Khare | Namanjoor | Marathi Kavita

Tujhya Majhya Save Kadhi | Sandeep Khare kavita | Marathi Kavita Sangrah

तुझ्यामाझ्या सवे कधी गायचा पाऊसही,

तुला बोलावता पोचायचा पाऊसही


पडे ना पापणी पाहून ओलेती तुला,
कसा होता नि नव्हता व्हायचा पाऊसही

तुला मी थांब म्हणताना तुला अडवायला,
कसा वेळीच तेव्हा यायचा पाऊसही

मला पाहून ओला विरघळे रुसवा तुझा,
कशा युक्त्या मला शिकवायचा पाऊसही

कशी भर पावसातही आग माझी व्हायची,
तुला जेव्हा असा बिलगायचा पाऊसही

अता शब्दांवरी या फक्त उरलेल्या खूणा,
कधी स्मरणे अशी ठेवायचा पाऊसही
 _  संदीप खरे [By Sandeep Khare]

---

Sandeep Khare - The famous Marathi poet, singer and copywriter in India. 'Tujhya Majhya Save' is one of his poems [lyrics] in Marathi Kavita Sangrah. 'Namanjoor' is one of his famous poetry collections.

तुझ्यामाझ्या सवे | Tujhya Majhya Save Kadhi
Sandeep Khare

(Born: 13 May 1973, Pune, Maharashtra)

Album: Namanjoor

Music and lyrics: Sandeep Khare

Singer: Sandeep Khare & Salil Kulkarni

Diwas ase ki | Sandeep Khare | Diwas Ase Ki | Marathi Kavita

दिवस असे की | Diwas ase ki
Sandeep Khare

(Born: 13 May 1973, Pune, Maharashtra)

Album: Diwas Ase Ki

Music and lyrics: Sandeep Khare

Singer: Shailesh Ranade

दिवस असे की कोणी माझा नाही
अन्‌ मी कोणाचा नाही

आकाशाच्या छत्रीखाली भिजतो
आयुष्यावर हसणे थुंकून देतो
या हसण्याचे कारण उमगत नाही,
या हसणे म्हणवत नाही

प्रश्नांचे हे एकसंधसे तुकडे
त्यावर नाचे मनीचे अबलख घोडे,
या घोड्याला लगाम शोधत आहे
परि मजला गवसत नाही

मी तुसडा की मी भगवा बैरागी
मद्यपि वा मी गांजेवाला जोगी,
अस्तित्वाला हजार नावे देतो
परि नाव ठेववत नाही

'मम' म्हणताना आता हसतो थोडे
मिटून घेतो वस्तुस्थितीचे डोळे,
या जगण्याला स्वप्‍नांचाही आता
मेघ पालवत नाही

_  संदीप खरे [by Sandeep Khare]

Deva mala roj ek | Sandeep Khare | Namanjoor | Marathi Kavita | Movie Lyrics

देवा मला रोज एक | Deva mala roj ek
Sandeep Khare
(Born: 13 May 1973, Pune, Maharashtra)
Album: Namanjoor
Singer: Sandeep Khare & Salil Kulkarni

देवा मला रोज एक अपघात कर
आणि तिच्या हातांनीच जखमा या भर

कधीतरी कुठेतरी बसावी धडक
कळ मला यावी तिला कळावे तडक
घायाळाला मिळो एक घायाळ नजर

अपघाती सोंग माझे वाटावे खरे
तिला येता प्रेम मला वाटावे बरे
दवा-दारूमध्ये कुठे असतो असर

खरी व्यथा तेव्हा मग सांगेन तिला
विचारेल जेव्हा, 'कुठे दुखते तुला?'
जरा डावीकडे जरा पोटाच्या या वर

टेकवता छातीवर डोके एकवार
ठोका घेई झोका उडे आभाळाच्या पार
व्यथांचाच काय? पडे जगाचा विसर

_  संदीप खरे

Nasates ghari tu jevha | Sandeep Khare | Ayushyavar Bolu Kahi | Marathi Kavita

नसतेस घरी तू जेव्हा | Nasates ghari tu jevha
Sandeep Khare
(Born: 13 May 1973, Pune, Maharashtra)
Album: Ayushyavar Bolu Kahi
Music and lyrics: Sandeep Khare
Singer: Sandeep Khare & Salil Kulkarni

नसतेस घरी तू जेव्हा
जीव तुटका तुटका होतो

जगण्याचे विरती धागे
संसार फाटका होतो

नभ फाटून वीज पडावी
कल्लोळ तसा ओढवतो
ही धरा दिशाहीन होते
अन्‌ चंद्र पोरका होतो

येतात उन्हे दाराशी
हिरमुसून जाती मागे
खिडकीशी थबकुन वारा
तव गंधावाचून जातो

तव मिठीत विरघळणार्‍या
मज स्मरती लाघववेळा
श्वासावीन हृदय अडावे
मी तसाच अगतिक होतो

तू सांग सखे मज काय
मी सांगू या घरदारा
समईचा जीव उदास
माझ्यासह मिणमिण मिटतो

ना अजून झालो मोठा
ना स्वतंत्र अजुनी झालो
तुजवाचून उमगत जाते
तुजवाचून जन्मच अडतो

_  संदीप खरे

Pratyekachi Ratra Thodi Aatun Aatun Vedi | Sandeep Khare | Ayushyavar Bolu Kahi | Marathi Kavita

Pratyekachi Ratra Thodi Aatun Aatun Vedi
प्रत्येकाची रात्र थोडी आतून आतून वेडी
Sandeep Khare
(Born: 13 May 1973, Pune, Maharashtra)
Album: Ayushyavar Bolu Kahi
Music and lyrics: Sandeep Khare
Singer: Sandeep Khare & Salil Kulkarni


प्रत्येकाची रात्र थोडी आतून आतून वेडी
प्रत्येकाच्या पायामध्ये एक तरी बेडी!

प्रत्येकाच्या मनातून कुठला तरी राग
प्रत्येकाच्या चंद्रावर कसला तरी डाग
प्रत्येकाच्या मनातून काही तरी खोडी!

प्रत्येकाच्या मनामध्ये स्वप्‍नातला देश
प्रत्येकाच्या तळव्याला नशिबाची रेष
प्रत्येकाची छाती करे रोज तडजोडी!

फिटावीत जरा तरी जगण्याची देणी
एक तरी ओळ अशी लिहावी शहाणी
प्रत्येकाच्या पानी कशी रोज खाडाखोडी?

_  संदीप खरे

Me Hajar Chintanni | Sandeep Khare | Namanjoor | Marathi Kavita

Me Hajar Chintanni | मी हजार चिंतांनी
Sandeep Khare
(Born: 13 May 1973, Pune, Maharashtra)
Album: Namanjoor
Music and lyrics: Sandeep Khare
Singer: Sandeep Khare & Salil Kulkarni


मी हजार चिंतांनी हे डोके खाजवतो
तो कट्ट्यावर बसतो, घुमतो, शीळ वाजवतो !

मी जुनाट दारापरी किरकिरा, बंदी
तो सताड उघड्या खिडकीपरी स्वच्छंदी
मी बिजागरीशी जीव गंजवीत बसतो
तो लंघून चौकट पार निघाया बघतो !

डोळ्यांत माझिया सूर्याहुनी संताप
दिसतात त्वचेवर राप, उन्हाचे शाप !
तो त्याच उन्हाचे झगझगीत, लखलखते-
घडवून दागिने सूर्यफुलांवर झुलतो !!

मी पायी रुतल्या काचांवरती चिडतो
तो त्याच घेऊनी नक्षी मांडून बसतो
मी डाव रडीचा खात जिंकतो अंती
तो स्वच्छ मोकळ्या मुक्त मनाने हरतो !

मी आस्तिक ! मोजत पुण्याईची खोली
नवसांची ठेवून लाच, लावतो बोली !
तो मुळात येतो इच्छा अर्पून सार्‍या
अन्‌ 'धन्यवाद' देवाचे घेऊन जातो !!

मज अध्यात्माचा रोज नवा शृंगार
लपतो न परि चेहरा आत भेसूर !
तो फक्त ओढतो शाल नभाची तरीही
त्या श्यामनिळ्याच्या मोरपीसापरी दिसतो !!

_  संदीप खरे

Kitik Halve Kitik Sundar | Sandeep Khare | Namanjoor | Marathi Kavita

Kitik Halve Kitik Sundar | कितीक हळवे
Sandeep Khare
(Born: 13 May 1973, Pune, Maharashtra)
Album: Namanjoor
Music and lyrics: Sandeep Khare
Singer: Sandeep Khare & Salil Kulkarni


कितीक हळवे, कितीक सुंदर, किती शहाणे अपुले अंतर
त्याच जागी त्या येऊन जाशी माझ्यासाठी माझ्या नंतर

अवचित कधी सामोरे यावे
अन्‌ श्वासांनी थांबून जावे
परस्‍परांना त्रास तरीही परस्‍परांविण ना गत्‍यंतर

मला पाहुनी दडते, लपते
आणिक तरीही इतुके जपते
वाटेवरच्या फुलास माझ्या लावून जाते हळूच अत्तर

भेट जरी ना या जन्‍मातून
ओळख झाली इतकी आतून
प्रश्‍न मला जो पडला नाही, त्याचेही तुज सुचते उत्तर

मला सापडे तुझे तुझेपण
तुझ्याबरोबर माझे मीपण
तुला तोलुनी धरतो मी अन्‌ तूही मजला सावर सावर

मेघ कधी हे भरून येता
अबोल आतून घुसमट होता
झरते तिकडे पाणी टपटप आणि इकडे शाई झरझर

_ संदीप खरे

Mi Morcha Nela Nahi Mi Samphi Kela Nahi | Sandeep Khare | Ayushyavar Bolu Kahi | Marathi Kavita

Mi Morcha Nela Nahi | मी मोर्चा नेला नाही
Sandeep Khare
(Born: 13 May 1973, Pune, Maharashtra)
Album: Ayushyavar Bolu Kahi
Music and lyrics: Sandeep Khare
Singer: Sandeep Khare


मी मोर्चा नेला नाही ..... मी संपही केला नाही
मी निषेधसुद्धा साधा कधी नोंदवलेला नाही

भवताली संगर चाले तो विस्फारून बघताना
कुणी पोटातून चिडताना कुणी रक्ताळून लढताना
मी दगड होऊनि थिजलो रस्त्याच्या बाजूस जेव्हा
तो मारायाला देखिल मज कुणी उचलले नाही

नेमस्त झाड मी आहे, मूळ-फांद्या जिथल्या तेथे
पावसात हिरवा झालो, थंडीत झाडली पाने
पण पोटातून कुठलीही खजिन्याची ढोली नाही
कुणी शस्‍त्र लपवले नाही, कधी गरूड बैसला नाही

धुतलेला सात्त्विक सदरा, तुटलेली एकच गुंडी
टकलावर अजून रुळते अदृश्य, लांबशी शेंडी
मी पंतोजींना भ्यालो, मी देवालाही भ्यालो
मी मनातसुद्धा माझ्या कधी दंगा केला नाही

मज जन्म फळाचा मिळता मी केळे झालो असतो
मी असतो जर का भाजी तर भेंडी झालो असतो
मज चिरता चिरता कोणी रडले वा हसले नाही
मी कांदा झालो नाही ! आंबाही झालो नाही !

_ संदीप खरे

Kase Sartil Saye | Sandeep Khare | Diwas Ase Ki | Marathi Kavita

कसे सरतील सये | Kase Sartil Saye
Sandeep Khare
(Born: 13 May 1973, Pune, Maharashtra)
Album: Diwas Ase Ki
Music and lyrics: Sandeep Khare
Singer: Sandeep Khare


कसे सरतील सये माझ्याविना दिसं तुझे?
सरताना आणि सांग सलतील ना !

गुलाबाची फुलं दोन रोज राती डोळ्यांवर
मुसूमुसू पाणी सांग भरतील ना ! .....

पावसाच्या धारा धारा ..... मोजताना दिसं सारा
रिते रिते मन तुझे उरे .....
ओठभर हसे हसे..... उरातून वेडेपिसे
खोल खोल कोण आत झुरे?
आता जरा अळिमिळी
तुझीमाझी व्यथा निळी
सोसताना सुखावून हसशील ना ! .....

कोण तुझ्या सौधातून उभे असे सामसूम
चिडीचूप ..... सुनसान दिवा !
आता सांज ढळेलच आणि पुन्हा छळेलच
नभातून गोरा चांदवा !!
चांदण्याचे कोटी कण
आठवांचे ओले सण
रोज रोज नीजभर भरतील ना ! .....

इथे दूरदेशी माझ्या सुन्या खिडकीच्यापाशी
झडे सर ..... काचभर तडा !
तूच तूच ..... तुझ्या तुझ्या ..... तुझी तुझी ..... तुझे तुझे
सारा सारा तुझा तुझा सडा !! -
पडे माझ्या वाटेतून
आणि मग काट्यातून
जातानाही पायभर मखमल ना ! .....

आता नाही बोलायाचे ..... जरा जरा जगायाचे
माळुनिया अबोलीची फुले !
देहभर हलू देत ..... विजेवर झुलू देत
तुझ्यामाझ्या विरहाचे झुले !!
जरा घन झुरू दे ना
वारा गुदमरू दे ना
तेव्हा नभ धरा सारी भिजवील ना ! …..

_ संदीप खरे

Megh Nasta Veej Nasta | Sandeep Khare | Namanjoor | Marathi Kavita

मेघ नसता वीज नसता | Megh Nasta Veej Nasta
Sandeep Khare
(Born: 13 May 1973, Pune, Maharashtra)
Album: Namanjoor
Music and lyrics: Sandeep Khare
Singer: Sandeep Khare & Salil Kulkarni


मेघ नसता वीज नसता मोर नाचू लागले
जाहले इतुकेच होते की तुला मी पाहिले !

गोरट्या गालांवरी का चोरटा हा रक्तिमा?
तू मला चोरून बघताना तुला मी पाहिले !

एवढे नाजुक आहे वय तुझे माझ्या फुला
रंगदेखील पाकळ्यांवर भार वाटू लागले !

लाख नक्षत्रे उराशी, नभ तरीही हळहळे
हे तुझे नक्षत्रवैभव का धरेवर राहीले?

पाहता तुज रंग उडूनी होई गजरा पांढरा
शल्य हे त्याच्या उरातील बघ सुगंधू लागले !

भर पहाटे मी फुलांनी दृष्ट काढून टाकली
पाहती स्वप्‍नी तुला जे भय तयांचे वाटले !

_ संदीप खरे