वार्‍याने हलते रांन (Varyane halate raan by Grace)

वार्‍याने हलते रांन, तुझे सुनसान
हृदय गहिवरले,
गायीचे डोळे करुण उभे की
सांज निळाईंतले

डोळ्यांत शीण हातात वीण
देहांत फुलांच्या वेगी,
अंधार चुकावा म्हणुन निघे बैरागी

वाळूंत पाय सजतेस काय
लाटान्ध समुद्राकांठी,
चरणांत हरवला गंध
तुझ्या की ओठी

शून्यात गर्गरे झाड तशी ओढाळ दिव्यांची नगरी,
वक्षांत तिथीचा चांद तुझा की वैरी

_ ग्रेस