Maan Udhan Varyache | Ag Bai.. Arechchya | Guru Thakur | Ajay-Atul | Movie Lyrics

Ag Bai Arechya | Marathi Movie Lyrics

चित्रपट: अगं बाई ... अरेच्‍चा
मन उधाण वाऱ्याचे

मायेच्या हळव्या स्पर्शाने खुलते
नात्यांच्या बंधात धुंद मोहरते
मन उधाण वाऱ्याचे, गूज पावसाचे
का होते बेभान, कसे गहिवरते

आकाशी स्वप्नांच्या हरपून भान शिरते
हुरहुरत्या सांजेला कधी एकटेच झुरते
सावरते, बावरते, घडते, अडखळते का पडते?
कधी आशेच्या हिंदोळ्यावर मन हे वेडे झुलते
मन तरंग होऊन पाण्यावरती फिरते
अन् क्षणात फिरुनी आभाळाला भिडते

रुणझुणते, गुणगुणते, कधी गुंतते, हरवते
कधी गहिऱ्या डोळ्यांच्या डोहात पार बुडते
तळमळते सारखे बापडे नकळत का भरकटते?
कधी मोहाच्या चार क्षणांना मन हे वेडे भुलते
जाणते जरी हे पुन्हा पुन्हा का चुकते?
भाबडे तरी भासांच्या मागून पळते
_गुरु ठाकूर

Maayechya havlyaa sparshane khulte
Natyanchya bandhat dhund moharte

Maan udhan varyache, guj pavsache
Ka hote bebhan, kase gahivarte

Aakashi swapnachya harpun bhan shirate
Hurhurtya sanjela kadhi ektech jhurate
Sawarte, bawarte, ghadte, adakhalte ka padte?
Kadhi aashechya hindolyavar maan hey vede jhulte
Maan tarang houn panyavarti firate
Ann kshanat firuni aabhalala bhidate

Runjhunte, Gungunte, kadhi guntate, haravte
Kadhi Gahirya dolyanchya dohaat paar budate
Talmalte sarkhe baapde nakalat ka bharkatate?
Kadhi mohachya chaar kshanana maan hey vede bhulate
Jaante jari hey punha punha ka chukate?

Bhabade tari bhaasanchya magun palate
_Guru Thakur

Vakalya disha phulun | Grace | Manikrao Sitaram Godghate | Marathi Kavita

Grace - Manikrao Sitaram Godghate
(Born: 10 May 1937, Died: 26 March 2012)

वाकल्या दिशा फुलून

वाकल्या दिशा फुलून स्‍निग्ध रंग सावळा,
या फुलांत या सुरांत चंद्र घालतो गळा


पावले अशी सलील नादती कुठून नाद,
मी क्षितिज वाहतो तरी जुळे न शब्द, गीत

दु:ख एक पांगळे जशी तरूंत सावली,
या उरांत पेटलीस, का उन्हास काहिली

असे कसे सुने सुने मला उदास वाटते,
जशी उडून पाखरे नभांत चालली कुठे

_ ग्रेस [Grace - Manikrao Sitaram Godghate]

Jhini jhini waje bin | B B Borkar | Marathi Kavita

Balakrishna Bhagwant Borkar
(Born: 30 November 1910, Died: 8 July 1984)

झिणिझिणि वाजे बीन

झिणिझिणि वाजे बीन
सख्या रे,
अनुदिन चीज नवीन

कधि अर्थाविण सुभग तराणा
कधी मंत्रांचा भास दिवाणा
सूर सुना कधि केविलवाणा
शरणागत अतिलीन

कधि खटका, कधि रुसवा लटका
छेडी कधि प्राणांतिक घटका
कधि जिवाचा तोडुन लचका
घेते फिरत कठीण

सौभाग्ये या सुरांत तारा
त्यातुन अचपळ खेळे पारा
अलख निरंजन वाजविणारा
सहजपणात प्रवीण

__ बा. भ. बोरकर [ba bha borkar]

Phototali taruni | Pu La Deshpande | Marathi Kavita

Pu La Deshpande - Purushottam Laxman Deshpande.

(Born: 8 November 1919, Died: 12 June 2000)

फोटोतली तरुणी

माझ्या खोलीतल्या
फोटोतली तरूणी परवा

मला म्हणाली
'मला चागंलेसे स्थळ
शोधून द्या ना-इथे
माझा जीव टांगल्यासारखं वाटतंय'

_ पु. ल. देशपांडे [By Pu La Deshpande]

Jeevan tyana kalale ho | B B Borkar | Marathi Kavita

Balakrishna Bhagwant Borkar
(Born: 30 November 1910, Died: 8 July 1984)

जीवन त्यांना कळले हो

मीपण ज्यांचे पक्‍व फळापरी
सहजपणाने गळले हो
जीवन त्यांना कळले हो

जळापरी मन निर्मळ ज्यांचे,
गेले तेथे मिळले हो
चराचरांचे हो‍उनि जीवन
स्‍नेहासम पाजळले हो
जीवन त्यांना कळले हो

सिंधूसम हृदयांत जयांच्या
रस सगळे आकळले हो
आपत्काली अन्‌ दीनांवर
घन हो‍उनि जे वळले हो
जीवन त्यांना कळले हो

दूरित जयांच्या दर्शनमात्रे
मोहित हो‍ऊन जळले हो
पुण्य जयांच्या उजवाडाने
फुलले अन्‌ परिमळले हो
जीवन त्यांना कळले हो

आत्मदळाने नक्षत्रांचे वैभव
ज्यांनी तुळिले हो
सायासाविण ब्रह्म सनातन
उरींच ज्यां आढळले हो
जीवन त्यांना कळले हो

__ बा. भ. बोरकर [ba bha borkar]

Upama | Pu La Deshpande | Marathi Kavita

Pu La Deshpande - Purushottam Laxman Deshpande.

(Born: 8 November 1919, Died: 12 June 2000)

उपमा

एकदा तुम्ही मला
छान दिसतेस

म्हणालांत पण
'समोरच्या सरोजबाईसारखी'
ते शब्द जोडून....

_ पु. ल. देशपांडे [By Pu La Deshpande]

Sang na re mana | Zenda | Guru Thakur | Marathi Kavita | Movie Lyrics

Sang Na re Mana | Zenda | Marathi Song Lyrics

सांग ना रे मना | Sang na re mana
चित्रपट : झेंडा | Movie: Zenda

अंतरी वाजती प्रीतीची पैंजणे आणि धुंदावती भाबडी लोचने
होतसे जीव का घाबरा सांग ना, सांग ना रे मना

श्वास गंधाळती, शब्द भांबावती, रोमरोमांतली कंपने बोलती
मोहरे-मोहरे पाकळी-पाकळी, भारलेल्या जीवा आवरावे किती
का अशा जागल्या सांग संवेदना, सांग ना रे मना

हे नवे भास अन् ह्या नव्या चाहुली, ऐकू ये कोठुनी साद ही मल्मली
गोठले श्वास अन् स्पंदने थांबली, हे शहारे जणू रेशमाच्या झुली
आज ओथंबल्या का अशा भावना, सांग ना रे मना
_गुरु ठाकूर

Antari vajati pritichi painjane aani dhundavati bhabadi lochne
Hotase jeev ka ghabara sang na, sang na re mana

Swas gandhalati,shabda bhambhavati, romromantali kampane bolti
Mohare-mohare pakali-pakali, bharlelya jeeva aavrave kiti
Ka asha jaglya sang sanvedana, sang na re mana

Hey nave bhas ann hya navya chahuli, aiku ye kothuni saad hi malmali
Gothale swas an spandane thambli, hey shahare janu reshmachya jhuli
Aaj othambalya ka asha bhavana, Sang na re mana
_Guru Thakur