Sang na re mana | Zenda | Guru Thakur | Marathi Kavita | Movie Lyrics

Sang Na re Mana | Zenda | Marathi Song Lyrics

सांग ना रे मना | Sang na re mana
चित्रपट : झेंडा | Movie: Zenda

अंतरी वाजती प्रीतीची पैंजणे आणि धुंदावती भाबडी लोचने
होतसे जीव का घाबरा सांग ना, सांग ना रे मना

श्वास गंधाळती, शब्द भांबावती, रोमरोमांतली कंपने बोलती
मोहरे-मोहरे पाकळी-पाकळी, भारलेल्या जीवा आवरावे किती
का अशा जागल्या सांग संवेदना, सांग ना रे मना

हे नवे भास अन् ह्या नव्या चाहुली, ऐकू ये कोठुनी साद ही मल्मली
गोठले श्वास अन् स्पंदने थांबली, हे शहारे जणू रेशमाच्या झुली
आज ओथंबल्या का अशा भावना, सांग ना रे मना
_गुरु ठाकूर

Antari vajati pritichi painjane aani dhundavati bhabadi lochne
Hotase jeev ka ghabara sang na, sang na re mana

Swas gandhalati,shabda bhambhavati, romromantali kampane bolti
Mohare-mohare pakali-pakali, bharlelya jeeva aavrave kiti
Ka asha jaglya sang sanvedana, sang na re mana

Hey nave bhas ann hya navya chahuli, aiku ye kothuni saad hi malmali
Gothale swas an spandane thambli, hey shahare janu reshmachya jhuli
Aaj othambalya ka asha bhavana, Sang na re mana
_Guru Thakur

Mangal Desha Pavitra Desha | Govindgraj | Marathi Kavita

Mangal Desha Pavitra Desha Lyrics | Govindgraj

Mangal Desha Pavitra Desha Lyrics | Govindgraj  Lyrics | Indian patriotic songs | National songs | Marathi Desh bhakti geet

मंगल देशा, पवित्र देशा, महाराष्ट्र देशा
प्रणाम घ्यावा माझा हा श्रीमहाराष्ट्र देशा


राकट देशा, कणखर देशा, दगडांच्या देशा
नाजुक देशा, कोमल देशा, फुलांच्याहि देशा

अंजन कांचन करवंदीच्या काटेरी देशा
बकुलफुलांच्या प्राजक्तीच्या दळदारी देशा

भावभक्तिच्या देशा आणिक बुद्धीच्या देशा
शाहीरांच्या देशा कर्त्या मर्दांच्या देशा

ध्येय जे तुझ्या अंतरी, निशाणावरी, नाचते करी;
जोडी इह पर लोकांसी, व्यवहारा परमार्थासी,

वैभवासि, वैराग्यासी
जरिपटक्यासह भगव्या झेंड्याच्या एकचि देशा
प्रणाम घ्यावा माझा हा श्रीमहाराष्ट्र देशा ॥१॥

अपार सिंधुच्या भव्य बांधवा, महाराष्ट्र देशा
सह्याद्रीच्या सख्या, जिवलगा, महाराष्ट्र देशा

पाषाणाच्या देही वरिसी तू हिरव्या वेषा
गोदा, कृष्णा, भीमा तुझिया ललाटिंच्या रेषा

तुझिया देही करी प्रतिष्ठा प्रथम प्राणांची
मंगल वसती जनस्थानिंची श्रीरघुनाथांची
ध्येय जे तुझ्या अंतरी..... ॥२॥

_ गोविंदाग्रज [राम गणेश गडकरी Govindgraj]

Chadhau gagani nishani aamuche | B B Borkar | Marathi Kavita

Balakrishna Bhagwant Borkar
(Born: 30 November 1910, Died: 8 July 1984)

चढवू गगनि निशाण आमुचे

चढवू गगनि निशाण आमुचे,
चढवू गगनि निशाण
कोटि मुखांनी गर्जू
जय जय स्वतंत्र हिंदुस्थान

निशाण अमुचे मनःक्रांतिचे,
समतेचे अन्‌ विश्वशांतिचे
स्वस्तिचिन्ह हे युगायुगांचे
ऋषिमुख-तेज महान

मूठ न सोडू जरि तुटला कर,
गाऊ फासहि आवळला जर
ठेवू निर्भय ताठ मान ही
झाले जरि शिरकाण

साहू शस्‍त्रास्‍त्रांचा पाउस,
आम्ही प्रल्हादाचे वारस
सत्य विदारक आणू
भूवर दुभंगून पाषाण

विराटशक्ती आम्ही वामन,
वाण आमुचे दलितोद्धारण
नमवू बळिचा किरीट
उद्धट ठेवुनि पादत्राण

हिमालयासम अमुचा नेता,
अजातशत्रू आत्मविजेता
नामे त्याच्या मृत्युंजय
हे चढवू वरति निशाण

__ बा. भ. बोरकर [Ba Bha borkar]

Kuni Jaal Kaa | Anil | Marathi Kavita

Anil – [A R Deshpande] Atmaram Raoji Deshpande.

(Born: 11 September 1901, Died: 8 May 1982)

कुणि जाल का

Song: Kuni Jal Ka Sagal Ka
Singer: Vasantrav Deshpande
Album: Vasantrang
Released: 1965
Composer : Yashwant Dev


कुणि जाल का, सांगाल का,
सुचवाल का ह्या कोकिळा ?
रात्री तरी गाऊ नको,
खुलवू नको अपुला गळा

आधीच संध्याकाळची
बरसात आहे लांबली
परत जाता चिंब चुंबन
देत दारी थांबली

फार पूर्वीचा दिला तो
श्वास साहुन वाळला
आताच आभाळातला
काळोख मी कुरवाळिला

सांभाळुनी माझ्या जिवाला
मी जरासे घेतले
इतक्यात येता वाजली
हलकी निजेची पाउले

सांगाल का त्या कोकिळा,
की झार होती वाढली
आणि द्याया दाद कोणी
रात्र जागून काढली

_ अनिल [Anil]

Chyalange | Pu La Deshpande | Marathi Kavita

Pu La Deshpande - Purushottam Laxman Deshpande.

(Born: 8 November 1919, Died: 12 June 2000)

च्यालेंज

अहो ज्ञानियांच्या राजा।
कशाला फुकाच्या गमजा?


एकेकाळी रचीली ओवी।
व्हाल का हो नवकवी?

मारे बोलवीला रेडा।
रेघ बी. ए. ची ओलाडां!
तुम्ही लिहावी विराणी।
लिहा पाहू फिल्मी-गाणी

म्हणे आळंदी गावात।
तुम्ही चालवली भितं चालवून दावा झणी
एक नाटक कंपनी बाप रखुमादेवीवरा।
आमुचा च्यालेंज स्विकार

_ पु. ल. देशपांडे [By Pu La Deshpande]

Mi ekada aalit gelo | Pu La Deshpande | Marathi Kavita

Pu La Deshpande - Purushottam Laxman Deshpande.

(Born: 8 November 1919, Died: 12 June 2000)

मी एकदा आळीत गेलो

मी एकदा आळीत गेलो
चाळ घेऊन बाहेर आलो,

तोंडात भरली सगळी चाळ
मी तर मुलाखाचा वाचाळ

कधी पायांत बांधतो चाळ
उगीच नाचतो सोडून ताळ,
वजन भारी उडते गाळण
पायांचीहि होते चाळण

गाळणे घेऊन गाळतो घाम
चाळणीमधून चाळतो दाम,
चाळीबाहेर दुकान माझे
विकतो तेथे हंसणे ताजे

‘खुदकन् हसू’ चे पैसे आठ
‘खो खो खो’ चे एकशे साठ,
हसवण्याचा करतो धंदा
कुणी निंदा - कुणी वंदा

कुणाकुणाला पडतो पेच
ह्याला कां नाही लागत ठेच?
हा लेकाचा शहाणा की खुळा?
मग मी मारतो मलाच डोळा

_ पु. ल. देशपांडे [By Pu La Deshpande]

Ajuni Rusun Aahe | Anil | Marathi Kavita

Anil – [A R Deshpande] Atmaram Raoji Deshpande.

(Born: 11 September 1901, Died: 8 May 1982)

अजुनी रुसूनी आहे

अजुनी रुसूनी आहे,
खुलता कळी खुले ना
मिटले तसेच ओठ
की पाकळी हले ना!


समजूत मी करावी
म्हणुनीच तू रुसावे
मी हांस सांगताच
रडतांहि तू हसावे
ते आज का नसावे?
समजावणी पटे ना
धरिला असा अबोला
की बोल बोलवेना!

की गूढ काही डाव?
वरचा न हा तरंग!
घेण्यास खोल ठाव,
बघण्यास अंतरंग?
रुसवा असा कसा हा,
ज्या आपले कळेना?
अजुनी रुसूनी आहे,
खुलता कळी खुले ना!

आत्माराम रावजी देशपांडे
_ अनिल [By Anil]