Majhi Maay Saraswati | Bahinabai Chaudhari | Marathi Song Lyrics

Majhi Maay Sarasoti | Bahinabai Chaudhari

माझी माय सरसोती
माले शिकवते बोली,
लेक बहिनाच्या मनी
किती गुपीतं पेरली

माझ्यासाठी पांडुरंगा
तुझं गीता-भागवत,
पावसात समावतं
माटीमधी उगवतं

अरे देवाचं दर्सन
झालं झालं आपसूक,
हिरिदात सूर्याबापा
दाये अरूपाचं रूप

तुझ्या पायाची चाहूल
लागे पानापानांमधी,
देवा तुझं येनंजानं
वारा सांगे कानामधी
__ बहीणाबाई चौधरी

Majhi maay sarasoti
Maale shikavite boli,
Lek bahinachya mani
Kiti gupit perali

Majhyasathi panduranga
Tujha geeta-bhagvat,
Pavasat samavat
Matimadhi ugavat

Are devach darsan
Jhal jhal aapsuk,
Hiridaat suryabapa
Daye arupach rup

Tujhya payachi chahul
Lage panapanamandi,
Deva tujha yenjan
Vara sange kanamadhi
_ Bahinabai Chaudhari

Namanjoor | Sandeep Khare | Namanjoor | Marathi Kavita

नामंजूर | Namanjoor
Sandeep Khare

(Born: 13 May 1973, Pune, Maharashtra)

Album: Namanjoor

Music and lyrics: Sandeep Khare

Singer: Sandeep Khare & Salil Kulkarni

जपत किनारा शीड सोडणे - नामंजूर!

अन्‌ वार्‍याची वाट पाहणे - नामंजूर!

मी ठरवावी दिशा वाहत्या पाण्याची
येईल त्या लाटेवर डुलणे - नामंजूर!

मला ऋतूंची साथ नको अन्‌ कौल नको
मला कोठल्या शुभशकुनांची झूल नको
मुहूर्त माझा तोच ज्याक्षणी हो इच्छा!
वेळ पाहुनि खेळ मांडणे - नामंजूर!

माझ्या हाती विनाश माझा! कारण मी!
मोहासाठी देह ठेवतो तारण मी!
सुंदरतेवर होवो जगणे चक्काचूर
मज अब्रुचे थिटे बहाणे - नामंजूर!

रुसवे-फुगवे ..... भांडणतंटे ..... लाख कळा
आपला-तुपला हिशेब आहे हा सगळा
रोख पावती इथेच द्यावी अन्‌ घ्यावी
गगनाशी नेणे गार्‍हाणे - नामंजूर!

नीती, तत्त्वे ..... फसवी गणिते! दूर बरी!
रक्तातिल आदिम जिण्याची ओढ खरी!
जगण्यासाठी रक्त वहाणे मज समजे,
पण रक्ताचा गर्व वहाणे - नामंजूर!

_ संदीप खरे [By Sandeep Khare]

Dahali Marathi Kavita | Grace | Marathi Kavita Sangrah

Dahali Marathi kavita By Grace | Marathi Poems on Rain

किरमिजी वळणाचा धुंद पाऊस येतो
निळसर कनकांचे दीप हातात देतो



हृदय सजविणारा मित्र नाही उशाशी
घरभर घन झाले आत ये ना जराशी

नितळ मधुर माझे भास सारे कशाने?
सहज तरल व्हावे देह्साक्षी जडाने

वणवण फिरणारा मांड दारात वारा
सरळ झडप घेतो पक्षि सोडून चारा

गगन गहन होई प्रार्थनांच्याप्रमाणे
सतत घुमविणारी हाक येई पुराने

तुजसम बुडविणारी एक छाया दिसेना
स्वरविण वतनाची दुक्ख साधे रचेना

मधुर विजनवासी उंच त्याचा पिसारा
बुडत बुडत गेल्या रुद्रवर्षेत तारा

पदर पिळुनी चोळी वाळवावी निराळी
म्हणुनी धरुनी हाती चंदनाची डहाळी.

_ ग्रेस

वार्‍याने हलते रांन (Varyane halate raan by Grace)

वार्‍याने हलते रांन, तुझे सुनसान
हृदय गहिवरले,
गायीचे डोळे करुण उभे की
सांज निळाईंतले

डोळ्यांत शीण हातात वीण
देहांत फुलांच्या वेगी,
अंधार चुकावा म्हणुन निघे बैरागी

वाळूंत पाय सजतेस काय
लाटान्ध समुद्राकांठी,
चरणांत हरवला गंध
तुझ्या की ओठी

शून्यात गर्गरे झाड तशी ओढाळ दिव्यांची नगरी,
वक्षांत तिथीचा चांद तुझा की वैरी

_ ग्रेस

Tujhya Majhya Save Kadhi | Sandeep Khare | Namanjoor | Marathi Kavita

Tujhya Majhya Save Kadhi | Sandeep Khare kavita | Marathi Kavita Sangrah

तुझ्यामाझ्या सवे कधी गायचा पाऊसही,

तुला बोलावता पोचायचा पाऊसही


पडे ना पापणी पाहून ओलेती तुला,
कसा होता नि नव्हता व्हायचा पाऊसही

तुला मी थांब म्हणताना तुला अडवायला,
कसा वेळीच तेव्हा यायचा पाऊसही

मला पाहून ओला विरघळे रुसवा तुझा,
कशा युक्त्या मला शिकवायचा पाऊसही

कशी भर पावसातही आग माझी व्हायची,
तुला जेव्हा असा बिलगायचा पाऊसही

अता शब्दांवरी या फक्त उरलेल्या खूणा,
कधी स्मरणे अशी ठेवायचा पाऊसही
 _  संदीप खरे [By Sandeep Khare]

---

Sandeep Khare - The famous Marathi poet, singer and copywriter in India. 'Tujhya Majhya Save' is one of his poems [lyrics] in Marathi Kavita Sangrah. 'Namanjoor' is one of his famous poetry collections.

तुझ्यामाझ्या सवे | Tujhya Majhya Save Kadhi
Sandeep Khare

(Born: 13 May 1973, Pune, Maharashtra)

Album: Namanjoor

Music and lyrics: Sandeep Khare

Singer: Sandeep Khare & Salil Kulkarni

घनकंप मयूरा (Ghankamp Mayura by Grace)

घनकंप मयूरा,
तुला इशारा,
खोल पिसारा,
प्राण आडवा पडे,
तू वळशिल माझ्याकडे ?

घनसंथ मयूरा,
धूळ दरारा,
कुठे पुकारा,
तीक्ष्ण नखांची दीप्‍ती,
गीतांतुन गळते माती

घननीळ मयूरा,
रंग फकिरा,
तुला पहारा?
कातडे वाळत्या वेळी,
ते भीषण ऊन कपाळी

घनदंग मयूरा,
नको सहारा,
हलका वारा,
बिंदीत चंद्र थरथरते,
ती वस्‍त्र कुठे पालटते
[चंद्रमाधवीचे प्रदेश]

_ ग्रेस

राधा ही बावरी (Radha hi Bawari by Ashok Patki)

रंगात रंग तो श्यामरंग, पाहण्या नजर भिरभिरते
ऐकून तान, विसरुन भान, ही वाट कुणाची बघते
त्या सप्तसुरांच्या लाटेवरुनि साद ऐकुनि होई
राधा ही बावरी, हरीची, राधा ही बावरी

हिरव्या हिरव्या झाडांची पिवळी पाने झुलताना
चिंब चिंब देहावरुनी श्रावणधारा झरताना
हा दरवळणारा गंध मातीचा मनास बिलगुन जाई
हा उनाड वारा गूज प्रीतिचे कानी सांगुन जाई
त्या सप्तसुरांच्या लाटेवरुनि साद ऐकुनि होई
राधा ही बावरी, हरीची, राधा ही बावरी

आज इथे या तरुतळी सूर वेणूचे खुणावती
तुज सामोरी जाताना उगा पाऊले घुटमळती
हे स्वप्न असे की सत्य म्हणावे राधा हरखून जाई
हा चंद्र चांदणे ढगांआडुनि प्रेम तयांचे पाही
त्या सप्तसुरांच्या लाटेवरुनि साद ऐकुनि होई
राधा ही बावरी, हरीची, राधा ही बावरी

_ अशोक पत्की