Pachuchya Ranat | Guru Thakur | Marathi Kavita

Pachuchya Ranat | Guru Thakur | Marathi Kavita

Pachuchya Ranat | Guru Thakur - Marathi Kavita Sangrah

पाचुच्या रानात
झिम्मड पाऊस
उनाड अल्लड वारा
नारळी पोफळीशिरल्या आभाळी
वाळूत चांदणचुरा

पिवळी पिवळी
बिट्ट्याची काचोळी
नेसल्या डोंगर वाटा
माळून गजरे
फेसाचे साजिरे
सजल्या सागर लाटा
इथल्या रानात
तसाच मनांत
झरतो मायेचा झरा
नारळी पोफळी
शिरल्या आभाळी
वाळूत चांदणचुरा

गंधीत धुंदीत
सायली चमेली
लाजरी लाजेची पोर
पळस पांगारा
पिंपळ पसारा
जीवाला लावतो घोर
घंटेचा निनाद
घालुनिया साद
सांगतो जा पोरी घरा
नारळी पोफळी
शिरल्या आभाळी
वाळूत चांदणचुरा

आंब्याला मोहर
बकुळी बहर
कहर चाफा फुले
माडाच्या सांदीला
झाडाच्या फांदीला
ईवला खोपा झुले
बोलतो कोकिळ
त्याच्या ग मंजूळ
तोंडाला नाही थारा
नारळी पोफळी
शिरल्या आभाळी
वाळूत चांदणचुरा
_गुरु ठाकूर

Tya mantarlelya raani | Spruha Joshi | Marathi Kavita Sangrah

Tya mantarlelya raani | Spruha Joshi

Tya mantarlelya raani | Spruha Joshi Marathi Kavita

त्या मंतरलेल्या रानी
मन हळवे वेड स्वरांचे
कळ सोसत आज मुक्याने
झेलते दु:ख जन्माचे

सावल्यान् मागुनी वाटा
पळ्तात रोधुनी श्वास
फरफटते नशीब अवघे
तरीही सम्पेना आस

फुलण्याआधीच कितीदा
कोमेजुन मोहोर जाई,
अंताचे नकोच ओझे
उगमाची एकच घाई!

या मंतरलेल्या रानी
आरसा असे डोहाचा
खळबळते लाट जराशी
चेहरा हसे काळाचा!

Zenda Amucha Priya Deshacha | Marathi desh bhakti geet | Indian patriotic songs

Zenda Amucha Priya Deshacha - Marathi desh bhakti geet

Zenda Amucha Priya Deshacha - Marathi desh bhakti geet - Indian patriotic songs

झेंडा आमुचा प्रिया देशाचा
फडकत वरी महान
करितो आम्ही प्रणाम याला
करितो आम्ही प्रणाम

लढले गांधी याच्याकरिता
टिळक, नेहरू लढली जनता
समरधूरंधर वीर खरोखर
अर्पुनि गेले प्राण
करितो आम्ही प्रणाम याला
करितो आम्ही प्रणाम

भारतमाता आमुची माता
आम्ही गातो या जयगीता
हिमालयाच्या उंच शिरावर
फडकत राही निशाण
करितो आम्ही प्रणाम याला
करितो आम्ही प्रणाम

या देशाची पवित्र माती
जूळती आमुच्या मधली नाती
एक नाद गर्जतो भारता
तुझा आम्हा अभिमान
करितो आम्ही प्रणाम याला
करितो आम्ही प्रणाम

गगनावरी आणि सागरतिरि
सळसळ करिती लाटा लहरी
जय भारत जय, जय भारत जय, गाता ती जयगान
करितो आम्ही प्रणाम याला
करितो आम्ही प्रणाम

Barach Kahi | Spruha Joshi | Marathi Kavita Sangrah

Barach Kahi | बरंच काही | Spruha Joshi Kavita

Barach Kahi | Spruha Joshi Kavita | Marathi Kavita Sangrah

बरंच काही,
आपण मागायच्याही आधी
पाऊस देऊन जातो..
सांडून जातो धुवांधार
आसुसलेलं, थबकलेलं
बरंच काही.
मोकळं मोकळं करून जातो..
पाऊस सांगत नाही
त्याच्या मनातलं यायच्या आधी,
पण आपल्या मनातलं
सारं काही शहाण्यासारखं समजून घेत
हवं तेव्हा, हवा तसा
आपल्यासाठीच भरून येतो..
निवळशंख पाणी
एक थेंब, दोन थेंब..
आभाळभर रांगच रांग;
पुन्हा थेंब, त्यात पाऊस..
नितळ नितळ करत जातो,
बरंच काही,
आपण मागायच्याही आधी
पाऊस देऊन जातो..
_स्पृहा जोशी

Baavare Prem He Lyrics | Spruha Joshi | Marathi Song Lyrics

Baavare Prem He lyrics | Baavare Prem He marathi song video | Spruha Joshi Lyrics

बावरे प्रेम हे बावरी प्रीत ही
सावली सांज ही, ये तशी लाजुनी
गुंतला जीव माझा, थांग ना या नभाचा
साद ये कोठुनी? धुंद वेड्या मनी..!

आस ही या मनी आज का जागली
ही मिठी रेशमी धुंद वेडावली
जीव होई तुझा श्वास सारे तुझे
दूर तू का तरी भास सारे तुझे
बावरे प्रेम हे बावरी प्रीत ही..

गुज हे लाजरे उमलली पाकळी
चांदवा माळूनी वाट झाली खुळी
स्पर्श होता तुझा हरपले भान हे
सोबतीने तुझ्या रान गंधाळले
बावरे प्रेम हे बावरी प्रीत ही..

Baavare prem he baavari preet hi
Savali sanj hi, Ye tashi lajuni
Guntala jeev majha, thang na ya nabhacha
Saad ye kothuni? Dhoond vedya mani..!

Aas hi ya mani aaj ka jagali
Hi mithi reshami dhoond vedavali
Jeev hoyi tujha shwas saare tujhe
Door tu ka tari bhaas saare tujhe
Baavare prem he baavari preet hi

Gooj he lajare umalali pakali
Chandawa maluni vaat jhali khuli
Sparsh hota tujha harapale bhan he
Sobatine tujhya raan gandhalale
Baavare prem he baavari preet hi

---

Movie: Baavare Prem He
Singer: Bela Shende & Hrishikesh Ranade
Music: Ajay Kishor Naik
Lyrics: Spruha Joshi
Star Cast: Siddharth Chandekar, Urmila Kothare
Label : Dhwani Music
Production House : Trio Entertainments

Bolna Lyrics | 1234 Movie | Marathi Song Lyrics

Bolna Lyrics | 1234 Marathi movie | Bolna video song

सुन्या सुन्या ओठांचे बोल सारे
सुन्या सुन्या डोळ्यांनी बोलना

रूठ ना तू, भूल ना तू
ऐक वेड्या माझ्या मना तू


Sunya Sunya Othanche bol sare
Sunya Sunya Dolyani Bolana

Ruth na tu, Bhool na tu
Aik vedya majhya mana tu

---

An upcoming suspense thriller Marathi movie '1234' presents the refreshing and most romantic marathi song 'Bolna' in the voice of Kunal Ganjawala and Anandi Joshi. '1234 Marathi movie' produced by Kalpesh Patel and Shailesh Pawar. Directed by Milind Kavde. Bhushan Pradhan, Priya Marathe, Sanjay Narvekar are starring in this movie. Releasing on 5-Aug-2016.

Movie: 1234
Song: Bolna Lyrics
Star Cast: Bhushan Pradhan, Priya Marathe, Sanjay Narvekar, Vijay Kadam, Anshuman Vichare, Jaywant Wadkar, Pradeep Patwardhan, Vishakha Subhedar, Sanjay Mone, Yatin Karyekar, Kamlesh Sawant, Abhijeet Chavan.
Singers : Kunal Ganjawala, Anandi Joshi
Music: Amitraj
Lyrics: Sachin Andhare
Music on: Video Palace

Jai Malhar Lyrics | Jai Malhar title song video | Zee Marathi Serials

Jai Malhar song Lyrics | Jai Malhar title song video | Jai Malhar serial song | Jai Malhar title song zee marathi | Zee marathi jai malhar

जय देवा, जय देवा, जय देवा, जय देवा, जय देवा जय शिव मार्तंडा...
जय देवा, जय देवा, जय देवा, जय देवा, जय देवा जय शिव मार्तंडा...
हरी मदन मल्हारी तूची प्रचंडा...

अगड धूम नगारा सोन्याची जेजुरी,
देव गेले जेजुरा निळा घोडा...
अगड धूम नगारा सोन्याची जेजुरी
देव गेले जेजुरा निळा घोडा...

पाव मे तोडा... कमरी करगोटा,
बेंबी हिर, मस्तकी तुरा...

खोबर्‍याचा कुटका.. भंडार्‍याचा भडका
बोल अहंकरा, सदानंदाचा येळकोट...

जय देवा, जय देवा, जय देवा, जय देवा, जय देवा जय शिव मार्तंडा...
जय देवा, जय देवा, जय देवा, जय देवा, जय देवा जय शिव मार्तंडा...
हरी मदन मल्हारी तूची प्रचंडा...

सदानंदाचा येळकोट
येळकोट येळकोट जय मल्हार

Jai deva jai deva jai deva jai deva jai deva jai shiv martanda
Jai deva jai deva jai deva jai deva jai deva jai shiv martanda
Hari madan malhari tuchi prachanda

Agad dhoom nagara sonyachi jejuri
Dev gele jejura nila ghoda
Agad dhoom nagara sonyachi jejuri
Dev gele jejura nila ghoda

Paav me toda... kamari karagota
bembi hir, mastaki tura

Khobaryacha tutaka.. bhandaryacha bhadaka
Bol ahankara, sadandacha yelkot...

Jai deva jai deva jai deva jai deva jai deva jai shiv martanda
Jai deva jai deva jai deva jai deva jai deva jai shiv martanda
Hari madan malhari tuchi prachanda

Sadanandacha yelkot
Yelkot yelkot jai malhar

---

Zee Marathi Serial: Jai Malhar Title Song
Music: Pankaj Padghan
Singer: Aadarsh Shinde

Khulta Kali Khulena Lyrics | Zee Marathi TV Serial

Khulta Kali Khulena Lyrics | Mi Pahave Tu Disave | Lyrics in Marathi

Khulta Kali Khulena Lyrics | Zee Marathi TV Serial

मी पहावे तू दिसावे
पारणे या मनाचे फिटेना
अंतरीची अंतरे ही
का तरीही सारी मिटेना

हीच प्रीती, हीच भीती
वीण दोघांतली ही तुटेना
हेच कोडे रोज थोडे 
सोडवावे तरीही सुटेना

आस मुकल्या जीवनाची
आज खुलता कळी ही खुलेना
वाट चुकल्या या मनाची
आज खुलता कळी ही खुलेना


Mi Pahave Tu Disave
Paarane ya manache fitena
Antarichi antare hi
Ka tarihi sari mitena

Heech preeti, heech bhiti
veen doghatali hi tutena
Hech Kode, roj thode
Sodwave tarihi sutena

Aas mukalya jeevanachi
Aaj Khulata Kali hi Khulena
Vaat chukalya ya Manachi
Aaj Khulata Kali hi Khulena

---

TV Serial: Khulta Kali Khulena Title Song
Singer : Shreya Ghoshal
Lyrics : Samir Saptiskar
Music : Sameer Saptiskar
Producer: Santoush Bharat Kanekar
Director: Vijay Rane, Hemant Deodhar
Production: Atharv theaters & Events
StarCast: Omprakash Shinde as Vikrant Dalvi, Mayuri Deshmukh as Manasi, Abhidnya Bhave as Monica, Usha Nadkarni, Savita Prabhune, Sanjay Mone, Lokesh Gupte, Sharvari Lohokare, Manasi Magikar, Asha Shelar
Channel : Zee Marathi
Starting Date : 18th July 2016
Starting Time : 8:30Pm Monday To Saturday

Kiti Sangaychay Mala Lyrics | Double Seat | Spruha Joshi | Marathi Song Lyrics

Kiti Sangaychay Mala | Double Seat | Marathi Song Lyrics

Kiti sangayche mala lyrics | Double seat marathi movie songs | Kiti sangayche mala marathi song video | Spruha Joshi Lyrics

किती सांगायचय मला किती सांगायचय
किती सांगायचय मला किती सांगायचय

कोरड्या जगात माझ्या भोवती चार भिंती
बोचरे नकार सारे आशा क्षणात विरती
बेचैन स्वप्नांची अन पाखरे हरून जाती
मनाच्या पाऱ्याला आवरू किती

किती सांगायचय मला किती सांगायचय
किती सांगायचय मला तुला किती सांगायचय
मला...
हवे असे अलवारसे कुणा कसे सांगायचे हे गाणे
मला...
माझ्या जगी जा रंगुनी पाहून घे तुही हे स्वप्न दिवाने
हलके हलके सुख हे बरसे हलके हलके सुख हे बरसे

मनाच्या पाऱ्याला असे स्वप्नांचे बहाणे
मनाच्या आभाळी अशी ओले ती लहर
घेऊ दे मनाला श्वास मोकळा…

किती सांगायचय मला किती सांगायचय
किती सांगायचय मला तुला किती सांगायचय

हसऱ्या सुखाचा पहिला वहिला मोहर हा
थकल्या जीवाला पहिल्या सरीचा दरवळ हा
क्षण हे हळवे जपावे, जपावे इवल्या ओठी हसावे
आज चिंब व्हावे पार पैल जावे

किती सांगायचय मला किती सांगायचय
किती सांगायचय मला तुला किती सांगायचय

मनाच्या पाऱ्याला असे स्वप्नांचे बहाणे
मनाच्या आभाळी अशी ओले ती लहर
मनाच्या या गावी असे दोघांचेच घर
घेऊ दे मनाला श्वास मोकळा

Kiti Sangayachay
Kiti Sangayachay Mala Kiti Sangaychay
Kiti Sangayachay Mala Kiti Sangaychay

Koradya jagat Majhya Bhovati Char Bhinti
Bochare Nakar Sare Aasha Kshanat Virati
Bechain Swapnanchi An Pakhare Harun Jati
Manachya Paryala Aavaru Kiti

Kiti Sangayachay Mala Kiti Sangaychay
Kiti Sangayachay Mala Tula Kiti Sangaychay
Mala...
Have Ase Alavarase Kuna Kase Sangayache He Gane
Mala...
Majhya Jagi Ja Ranguni Pahun Ghe Tuhi HE Swapn Divane
Halake Halake Sukh He Barase Halake Halake Sukh He Barase

Manacya Paryaka Ase Swapnanche Bahane
Manacya Aabhali Ashi Ole Ti Lahar
Gheu de manala shwas mokala

Kiti Sangayachay Mala Kiti Sangaychay
Kiti Sangayachay Mala Tula Kiti Sangaychay

Hasarya Sukhacha Pahila Vahila Mohar Ha
Thakalya Jivala Pahilya Saricha Daraval Ha
Khan He Halave Japave, Japave Evalya Othi Hasave
Aaj Chimb Vhave Par Pail Jave

Kiti Sangayachay Mala Kiti Sangaychay
Kiti Sangayachay Mala Tula Kiti Sangaychay

Manacya Paryaka Ase Swapnanche Bahane
Manacya Aabhali Ashi Ole Ti Lahar
Manacya Ya Gavi Ase Doghanchech Ghar
Ghevu De Manala Shwas Mokala

---

Kiti Sangaychay Mala is popular song from movie Double Seat. Lyrics by Spruha Joshi. Get more collection of Marathi Kavita, songs, lyrics on Marathi kavita sangrah.

Song: Kiti Sangaychay Mala
Movie: Double Seat
Singers: Jasraj Joshi, Anandi Joshi
Director: Sameer Vidwans
Music: Hrishikesh, Saurabh, Jasraj
Lyrics: Spruha Joshi

Kahe Diya Pardes Title Song | Zee Marathi | Serials Lyrics | Marathi Kavita | काहे दिया परदेस

Kahe diya pardes title song lyrics | Kahe Diya Parades title song video | Kahe Diya Parades title song zee marathi

दारी दुमदुमणार
चौघडा सनई चा सूर नवा
उत्तरेकडुनी आली
मधुमनकद थंड हवा

या सयांनो या
हळदीने रंगवूया तिजला
सोनेरी क्षण हे
घेवूनी जाईल सासरला

मेरे संग भी बितेंगे
कल तेरे सुनेहरे
वादा ये रहा मेरा
सब घरवालोंसे तेरे

बाबुल का घर मै
छोड के चली ओलांडून वेस

काहे दिया परदेस ... काहे दिया परदेस ...


Dari dumdumnar
Chaughada Sanai Cha sur nava
Uttarekaduni aali
Madumankad thand hava

Ya sayanno ya
Haladine rangavuya tijala
Soneri kshan he
Ghevuni jayil sasarala

Mere sang bhi bitenge
Kal tere sunehare
Vaada ye raha mera
Sab gharwalo se tere

Baabul ka ghar me
Choda ke chali Oolandun ves

Kahe diya pardes... kahe diya pardes

Julun Yeti Reshimgathi Title Song | Zee Marathi | Serials Lyrics | Ashvini Shende | जुळून येती रेशीमगाठी

Julun Yeti Reshimgathi | Zee Marathi | Marathi Serials Lyrics

Julun yeti reshimgathi title song lyrics | Julun yeti reshimgathi title song video | Zee marathi serial

मुक्याने बोलले
गीत ते जाहले
स्वप्‍नं साकारले
पहाटे पाहिले..
नाव नात्याला काय नवे?

वेगळे मांडले सोहळे तुजसाठी
मिळावे तुझे तुला.. आस ही ओठी
कोणी कुठे बांधल्या रेशीमगाठी?
जुळून येती रेशीमगाठी
आपुल्या रेशीमगाठी ...

उन्हाचे चांदणे उंबर्‍यात सांडले
डाव सोनेरी सुखाचे कुणी मांडले?
खेळ हा कालचा.. आज कोण जिंकले?
हरवले कवडसे.. मिळून ते शोधले
एकमेकांना काय हवे?

जे हवे सगळेच आणले तुजसाठी
कळावे तुझे तुला.. मी तुजसाठी
कोणी कुठे बांधल्या रेशीमगाठी?
जुळून येती रेशीमगाठी
आपुल्या रेशीमगाठी ...
जुळून येती रेशीमगाठी
रेशीमगाठी ...


Mukyane bolale
Geet te jahale
Swapna sakarle
Pahate pahile
Naav natyala kay nave?

Vegale mandale sohale tujsathi
Milave tujhe tula aas hi othi
Koni kuthe bandhalya reshimgathi?
Julun yeti reshimgathi
Aapulya reshimgathi...

Unhache chandane umbaryat sandale
Daav soneri sukhache kuni mandale
Khel ha kaalcha aaj kon jinkale
Haravale kavadase mulun te shodhale
Ekmekanna kay have

Je have sagalech aanale tujsathi
Kalave tuze tula mi tuzyasathi
Koni kuthe bandhalya reshimgathi
Julun yeti reshimgathi
Aapulya reshimgathi...
Julun yeti reshimgathi
Reshimgathi..

---

Julun Yeti Reshimgathi | जुळून येती रेशीमगाठी
Tv Serial : Zee Marathi
Singers :- Swapnil Bandodkar - Nihira Joshi
Lyrics: Ashvini Shende

Julun Yeti Reshimgathi was One of the popular tv series on Zee Marathi channel.

Vadalvaat Title Song | Zee Marathi | Serials Lyrics | Mangesh Kulkarni | वादळवाट

Vadalvaat Title Song | Zee marathi | Marathi Serials Lyrics

Vadalvat title song lyrics | vadalvat song Lyrics | Vadalvat zee marathi | Vadalvat title song video

थोडी सागर निळाई
थोडे शंख नि शिंपले,
कधी चांदणे टिपूर
तुझ्या डोळ्यांत वाचले,

कधी उतरला चंद्र
तुझ्यामाझ्या अंगणात,
स्वप्‍नपाखरांचा थवा
विसावला ओंजळीत,

कधी काळोख भिजला
कधी भिजली पहाट,
हुंकारला नदीकाठ
कधी हरवली वाट,

वार्‍यापावसाची गाज
काळे भास गच्च दाट,
कधी धूसर धूसर
एक वादळाची वाट
_ मंगेश कुळकर्णी

---

Vaadalvaat .. One of the very popular tv series on Zee Marathi channel. Visit our new collection of famous marathi serial's lyrics in Marathi Kavita Sangrah.
Vaadalvaat | वादळवाट 
Tv Serial : Zee Marathi
Singers :- Devki Pandit
Lyrics: Mangesh Kulkarni

Kay re devaa | Sandeep Khare | Lyrics | Marathi Kavita

Kay re deva lyrics | Sandeep khare kavita | Sandeep khare marathi songs lyrics | Marathi kavita sangrah

आता पुन्हा पाऊस येणार
आकाश काळ निळ होणार

मग मातीला गंध सुटणार
मग मध्येच वीज पडणार
मग तुझी आठवण येणार
काय रे देवा...

मग ती आठवण कुणाला दाखवता नाही येणार
मग मी ती लपविणार
मग लपवूनही ते कुणालातरी कळावस वाटणार
मग ते कुणीतरी ओळखणार
मग मित्र असतील तर रडणार
नातेवाईक असतील तर चिडणार
मग नसतच कळल तर बर अस वाटणार
आणि या सगळ्याशी तुला काहीच घेण देण नसणार..

मग त्याच वेळी नेमका दूर रेडिओ चालू असणार
मग त्यात एखाद जुन गाण लागलेल असणार
मग त्याला एस. डी . वर्मन नी चाल दिलेली असणार
मग ते साहीर नी गायलेल असणार
मग ते लतानी गायलेल असणार
मग तू ही नेमका आत्ता हेच गाण एकत असशील तर.. असा प्रश्न पडणार
मग उगाच छातीत काहीतरी हूर हूरणार
मग ना घेण ना देण
पण फूकाचे कंदील लागणार
काय रे देवा...

मग खिडक्यांचे गज थंडगार होऊन जाणार
मग त्याला आकाशाची आसव लगडणार
मग खिडकीत घट्ट बांधून ठेवलेल्या आपल्या पालथ्या मुठीवर ते टपटपणार
मग पाच फूट पाच इंच देह अपुरा अपुरा वाटणार
मग ऊर फुटून जावस वाटणार
छाताडातून ह्रदय काढून त्या शुभ्र धारांखाली धरावस वाटणार
मग सारच कस मुर्खासारख उत्कट उत्कट होत जाणार
पण तरीही श्वासांची लय फक्त कमी जास्त होत जाणार
बंद नाही पडणार
काय रे देवा...

पाऊस पडणार
मग हवा हिरवी होणार
मग पानापानात हिरवळ दाटणार
मग आपल्या मनाच पिवळ पान मोडून हिरव्यात शिरू पाहणार
पण त्याला ते नाही जमणार
मग त्याला एकदम खर काय ते कळणार
मग ते ओशाळणार
मग पुन्हा शरीराशी परत येणार
सरदी होऊ नये म्हणून देहाला वाफ घ्यायला सांगणार
चहाच्या पाण्यासाठी फ्रिजमध्ये कूडंमूडलेल आल शोधणार
एस . डी , च गाणही तोपर्यंत संपलेल असणार
रेडिओचा स्टॉक भरलेला असणार
मग तिच्या जागी ती असणार
मग माझ्या जागी मी असणार
कपातल वादळ गवती चहाच्या चवीने पोटात निपचीत झलेल असणार

पाऊस गेल्या वर्षी पडला
पाऊस यंदाही पडतो
पाऊस पुढल्या वर्षीही पडणार
काय रे देवा...
_ संदीप खरे [by Sandeep Khare]

Sandeep Khare

(Born: 13 May 1973, Pune, Maharashtra)

Sandeep Khare - The famous Marathi poet, singer and copywriter in India. 'Kay re devaa' is one of his poems [lyric] in Marathi Kavita Sangrah.

Deva hyahi deshat paus pad | D P Chitre

देवा, ह्याही देशात पाऊस पाड
जिथे पाण्याला येतो खुनाचा वास

जिथे हिंसेच्या मळ्यात पिकतो ऊस किंवा ताग
देवा, जिथे तू आहेस तोवर निषिद्ध आहे वैताग
देवा, ह्याही देशात पाऊस पाड
जिथे माणसांचं ख़त घालून समाज उगवतात
जिथे बळी जाणारे तुझ्यावर विश्वास ठेवतात
आणि बळी घेणारे तुझेच अवतार असतात
देवा, ह्याही देशात पाऊस पाड
जिथे दुष्काळही नशिबं फळवून जातात
जिथे माणुसकीची यंत्र अखंड चालू असतात
जिथे परोपकाराचा ओव्हरटाईम सदैव चालतो
देवा, ह्याही देशात पाऊस पाड
कारण इथे भरपूर खाणारे गाणी गातात
आणि ऊपाशी मरणारे त्यांना साथ करतात
जिथे दुश्काळ आणि सुकाळ एकत्र नांदतात
देवा, ह्याही देशात पाऊस पाड

[दिलीप पुरुषोत्तम चित्रे ह्यांना आदरांजली]
__दि. पु. चित्रे 

मला टोचते मातीचे यश

श्रावणातले ऊन रेशमी
आकाशाला बांधून ठेवी
घट्ट धरेशी

सह्याद्रीच्या गळ्यात पडती
श्रावणतल्या सरी सराईत
ओलेत्याने
आणि ओणव्या माळालाही
हंबरणारा अवखळ वारा
ढुशी मारतो भलत्या जागी
अडचणीतल्या पाऊलवाटा
अंग चोरुनी हळूच पळती
माझ्या जवळून
मजला टाळून
- ब्रम्ह जाहले धरणीला वश
अशा प्रसंगी
आत कुठेसे
मला टोचते मातीचे यश

__विंदा करंदीकर

Khara to ekachi Dharma | Sane Guruji | Marathi Kavita

Khara to ekachi Dharma | Sane Guruji | Marathi Kavita

खरा तो एकची धर्म जगाला प्रेम अर्पावे

जगी जे हीन अतिपतित, जगी जे दीन पददलित
तया जाऊन उठवावे, जगाला प्रेम अर्पावे

जयांना ना कोणी जगती सदा ते अंतरी रडती
तया जाऊन सुखवावे, जगाला प्रेम अर्पावे

समस्तां धीर तो द्यावा, सुखाचा शब्द बोलावा
अनाथा साह्य ते द्यावे, जगाला प्रेम अर्पावे

सदा जे आर्त अतिविकल, जयांना गांजती सकल
तया जाऊन हसवावे, जगाला प्रेम अर्पावे

कुणा ना व्यर्थ शिणवावे, कुणा ना व्यर्थ हिणवावे
समस्तां बंधु मानावे, जगाला प्रेम अर्पावे

प्रभूची लेकरे सारी तयाला सर्वही प्यारी
कुणा ना तुच्छ लेखावे, जगाला प्रेम अर्पावे

असे जे आपणापाशी असे, जे वित्त वा विद्या
सदा ते देतची जावे, जगाला प्रेम अर्पावे

भरावा मोद विश्वात असावे सौख्य जगतात
सदा हे ध्येय पूजावे, जगाला प्रेम अर्पावे

असे हे सार धर्माचे असे हे सार सत्याचे
परार्थी प्राणही द्यावे, जगाला प्रेम अर्पावे

जयाला धर्म तो प्यारा, जयाला देव तो प्यारा
त्याने प्रेममय व्हावे, जगाला प्रेम अर्पावे
_साने गुरुजी

आला आषाढ-श्रावण

आला आषाढ-श्रावण
आल्या पावसाच्या सरी;
किती चातकचोचीने
प्यावा वर्षा‌ऋतू तरी!


काळ्या ढेकळांच्या गेला
गंध भरून कळ्यांत;
काळ्या डांबरी रस्त्याचा
झाला निर्मळ निवांत.

चाळीचाळीतून चिंब
ओंली चिरगुटें झाली;
ओल्या कौलारकौलारीं
मेघ हुंगतात लाली.

ओल्या पानांतल्या रेषा
वाचतात ओले पक्षी;
आणि पोपटी रंगाची
रान दाखवितें नक्षी.

ओशाळला येथे यम,
वीज ओशाळली थोडी,
धावणाऱ्या क्षणालाही
आली ओलसर गोडी.

मनी तापलेल्या तारा
जरा निवतात संथ;
येतां आषाढ-श्रावण
निवतात दिशा-पंथ.

आला आषाढ-श्रावण
आल्या पावसाच्या सरी;
किती चातकचोचीने
प्यावा वर्षा‌ऋतू तरी!

__बा.सी.मर्ढेकर