Chinna mukhawata lokshahicha | Guru Thakur | Marathi Kavita

छिन्न मुखवटा लोकशाहीचा

साठी उलटली स्वतंत्र्याची
ग्लोबल झाला देश
छिन्न मुखवटा लोकशाहीचा
विस्कटला गणवेश


केवळ टोप्या आणिक झेंडे
गहाण डोकी सारी
ठेचुनिया पुरुषार्थ ओणवी
अभिलाषेच्या दारी
पोकळ गप्पा बनेल दावे
अन् बेगडी आवेश
छिन्न मुखवटा लोकशाहीचा
विस्कटला गणवेश

देश विकावा कुठे अन्
कसा केवळ हिशेब
गणतंत्राची माय निजवण्या
उत्सुक दलाल सारे
हपालेल्या नजरा नाही
निष्ठेचा लवलेश
छिन्न मुखवटा लोकशाहीचा
विस्कटला गणवेश

_ गुरु ठाकूर